صالح البصري وناقته

[عبدالرحمن]

كان صالح البصري عامل عند الامير عبدالله التركي السديري في الغاط في الفلاحة وسقي البستان وكانوا يسقون في الليل قبل الفجر وحينما جاء للناقة وجدها قد ناخت فأرادها أن تقوم فعجز عنها وبعد محاولات عدة أنشد هذه الابيات على سبيل المحاورة بلسان ناقته:


يا فاطري وش علامك ما تفزينـي *** حسّك رفيع وكل النـاس يوحونـه
من قبل ما انتي صموت ما تجضيني *** صرت جزوع كما كلب يضربونـه
يا مال هطر علامك مـا تقومينـي ***عسى الجزازير لعظامـك يلحّونـه


ردت الناقة:

ان كان انا وانت يا البصري صحيبيني *** فاقطع يمين وخـل الربـع يوحونـه
ان كان للجت رح توْ هـات شربينـي *** شربٍ لفوف وشـرب لـي تحذفونـه
وادب معكـم بـدال اليـوم يومينـي *** مشي على جـاري العـادة تعرفونـه
يومي نشيط وانا احمل جوز ثنييني *** ورشاي ليفٍ بعد يا الهـرم تزوونـه


فرد البصري:

إن كاني الهرم فانتي شينة اللوني *** زولك قبيح وزين العشب ترعينه


قالت:

العشب مـن ربـي الله يـوم سوانـي *** خلاني ارعـى منـه وانتـم تحشونـه
لومـي علـى واحـدٍ قفـى وخلانـي *** ما قال هاتـوا بعيـر عنـه تسنونـه
خافوا من الله عزيز الملـك والشانـي *** مهوب من عجز عن حيله تغصبونه


ولما أنشد القصيدة على الاميرعبدالله التركي السديري في المجلس والناس يسمعون ضحكوا وطاب له كلامه فأبدل الناقة وأراحها وأمر له بجائزة .

[الفارس]