المساعد الشخصي الرقمي

مشاهدة النسخة كاملة : مسابقة افضل واحد يضبط القهوه؟؟؟؟؟؟؟؟؟؟؟؟


شمالات
08-07-2005, 05:10 PM
السلام عليكم ورحمة الله وبركاتة

اخواني اعضاء المنتدى

اريد كل واحد يكتب لنا وشلون يصلح القهوة بالتفصيل الممل كم كمية المويه وكمية القهوة ............ الخ

ونبغى نكون 3 من اعضاء المنتدى يختارون من قبل الاعضاء

للحكم على الوصفات

وافضل وصفة تكون هي الربحانه (( لاتحسبون فيه جوائز)) لكن كل بيشربها بمشيئة الله


(((((( ما نستغني عن فزعتكم ))))))))
تحياتي

[ تم التعديل بواسطة شمالات في 2005/7/10 0:52 ]
المستشار
11-07-2005, 10:51 PM
طيب نسكافيه ما نقدر نشارك به

على فكره ... توقيعك ... ألوان وترتيب ما شاء الله :loool
شمالات
11-07-2005, 11:32 PM
لالالالالالالالالالالالالالالالالا

فقط قهوة
أعزالنـــــــــاس
03-08-2005, 01:19 AM
أعذروني مافية أمل أقولكــــم كيف أسويهااااا

لأن قهوتي أكيد بتكون التوب,,,

تحياااتي
أعزالنـــــــــاس
03-08-2005, 01:19 AM
أعذروني مافية أمل أقولكــــم كيف أسويهااااا

لأن قهوتي أكيد بتكون التوب,,,

تحياااتي
شمالات
19-08-2005, 08:24 PM
(( اغز الناس )) اكتبي قهوتك وخلينا نشوف وش الاحسن


قوهتي جتكم بعد ما تعلمتها
توضع مويه في ابريق وتوضع على النار مدة من الوقت ثم نضع القهوة داخل الابريق (( على حسب كثرة الموية )) بعدين انخليها الين تحمى بعدين نزلها في الدله

[ تم التعديل بواسطة شمالات في 2005/8/19 20:28 ]
ابوهشام
19-08-2005, 08:48 PM
اكيد قهوة اعز الناس بتصير احسن قهوه

فيه فرق بين قهوة الرجل والبنت

اهنيك مقدماً
كل شيء واضح

بس اكيد كاتبتها مرتين لانك واثقه انك افضل واحد بيصلح القهوه
شمالات
19-08-2005, 08:58 PM
ياليل مطولك انت (( ابو هشام )) ادخل واكتب قهوك ولا تقعد تمدح احد ؟؟؟؟؟؟؟؟؟؟؟؟؟؟؟؟؟؟؟؟؟



[size=6](((اعز الناس ))) اتمنى انك ما تغير توقيعك ابدا ابدا ابدا

اعتبريه طلب



مع ان في توقيعي لون اصفر لاكن ابغيره الى ......


[ تم التعديل بواسطة شمالات في 2005/8/19 21:04 ]
أعزالنـــــــــاس
19-08-2005, 10:26 PM
ههههههههههه

حلووووووووه شمااااالات

لو يدري أبو هشام بيصير كذا مادخل هالموضووووع...

وأقولك يابوهشاااااام أنا واثقة انها بتكون احسن وحدة...

وبعدين أنا ماعدتها مرتين!!! مثلك أنقطع الاتصال وحاسني...


وتسلــــــــــم والله يا شمالات... وأبشر لك مني وعد اني ما أغيره


** إلا بسألك مو شمالات هذي تطلع شركة تجارة ومقاولات**

<<<<< ماعندها وقت

تحيااااتي للجميع
ابوهشام
19-08-2005, 10:34 PM
لو يدري أبو هشام بيصير كذا مادخل هالموضووووع...


اصفر اخضر احمر 00000000 ما تفرق
خلاص يا عالم لا أحد يغير توقيعه
الدعوى فيها ( إنا ) بكسر الالف

](((اعز الناس ))) اتمنى انك ما تغير توقيعك ابدا ابدا ابدا

اعتبريه طلب

كل نفس وما تهوى


إلا بسألك مو شمالات هذي تطلع شركة تجارة ومقاولات**

لاياشاطره هذا جبلين مشهورين في شمال غرب القويعيه

الا صدق وش يلقفني اعلمك السؤال مو لي
بس انا طيب
ممكن تندرج تحت
من علمني حرفاً كنت له عبد
أعزالنـــــــــاس
19-08-2005, 11:18 PM
أكيــــــــد ابو هشام...


كل نفس وماتهوووووى


بس تمنيت أشوفك وانت قاعد تكتب ردك الأخيررررررر
شمالات
20-08-2005, 12:13 AM
اقول يا اعز الناس ممكن تكبين وصفة القهوة هنا
وترسلين رسالة خاصة عن هذه الشركة الي ما ادري وينها فيه
أعزالنـــــــــاس
20-08-2005, 05:34 AM
والله ياشمالات أنا مثلك مدري وين هالشركة فية؟

بس قزيت الورقة عند خااااالي

وتوقعتها لك .....
Alking1
20-08-2005, 10:47 AM
يالربع لا تطلعون عن الموضوع . ويابو هشام (اول من رحب فيني في المنتدى الله يعافيه من غير نقص في الجميع) شمالات جبل مشهور وايضا اسم شركه صاحبها من القويعية.
وارى والرأي الأتم لصاحب الموضوع ان يشارك فيه الرجال فقط . لأن النساء ماهرات في تصليح القهوة.
اليكم الطريقه:
1- حط في بريق القهوة مويه لين حوالي المنتصف .
2- خله على النار الى أن يغلي .
3- ضع فنجان واو 2 من القهوة .
4- لا تسكر غطا البريق (خله مايل).
5- خلها تغلي لين (تقطع) أي حوالي ربع ساعه وتصير (حانطه) اي (طعمه).وتعدل الراس .
6- بعد ذلك انتبه لا تطيش وتخرب الفرن .
7- زلها في دلة القهوة (اي اسكبها) .
8- ضع الدله على النار لين تجي تطيش ارفعها وضع الهيل .
9- يتم تقديمها مع التمر ويفضل (خلاص او سكري ) وهذه الأيام (خراف من النخل).
وشكرا للجميع
أعزالنـــــــــاس
20-08-2005, 10:52 AM
ياااقدمك للحين تستخدموووون الدلـــــه!!

بعدين وين راح الزعفران والا ماعندكم عشان كذا ماكتبتة...
Alking1
20-08-2005, 11:01 AM
آسف يا اعز الناس بس اذا تم تقديمها في الدله فهذا يدل على انها طازجه من الفرن .
بالنسبه للزعفران فهو اختياري وعندنا كثير زعفران ابو شيبه .
أعزالنـــــــــاس
20-08-2005, 11:06 AM
بس مافية أحد كثــــير يستخدمهـــــا...

بس حلووووو...

فيكم رجا اللي تعرفون تسوون القهوووووة

وإلـــــى مزيد من التقدم لحد ماتستلموووون المطبخ بكبرررره...
Alking1
20-08-2005, 11:23 AM
ترى اشهر الطباخين العالميين رجال ، من غير نقص في الحريم ، وكذلك فيه شباب كثيرين (لست أنا منهم للأسف) يجيدون الطبخ في كشتات البر وطبخ غير طبيعي ماشاء الله عليهم .
أعزالنـــــــــاس
20-08-2005, 11:29 AM
وأنا أشـــــهد....

بالذات بالبر مانيب ظالمتكم حلوووووو...

<<<<مجربة

وبعدين مبين يالكينج من طريقة القهوة اللي كتبتها انك تعرف

لانها بالتفصيل وصح بعد... :clap
admin
20-08-2005, 11:34 AM
لا يمكننا الحكم إلا بالتذوق ...بالعربي تعزمونا ونقرر بعد تذوقها... وأحيانا يتحكم بالطعم الوجه اللي قدامكم ..بعض الوجيه تسد النفس لو إن قهوته أحسن قهوة...
تحياتي للجميع
Alking1
20-08-2005, 01:41 PM
ابشر والله يالأدمن بدلة قهوة وبعدها تيس يحبه قلبك بس قل تم ...
admin
20-08-2005, 02:07 PM
ابشر والله يالأدمن بدلة قهوة وبعدها تيس يحبه قلبك بس قل تم ...

إن شاء الله تم...بس خل الجو يبارد شوي ...وبعدين بيصير تنسيق أفضل ...وشكراً على العزيمة
شمالات
20-08-2005, 02:52 PM
يا الادمن و اعز الناس وشلون تصلحون القهوة؟؟؟؟؟؟؟

هل قوتكم تطحنونها والا تجيكم مطحونه ؟؟؟؟؟؟
ابوهشام
20-08-2005, 03:07 PM
لا تسكر غطا البريق (خله مايل).

انت ملح المنتدى ياكنج1

انا من زمان ابغى افهم هالحركه بس اعتقدت انها عندنا بالحالنا

بالله تقول لي وش الفايده منها

ترى انا ماعمري صلحت قهوه
شمالات
20-08-2005, 03:33 PM
اثرك يابو هشام منتب شقردي اذا طلعت البر ماتصلح للشباب قهوة ولا شاي يالله تخلف
Alking1
20-08-2005, 03:44 PM
أخوي الأدمن تراه وعد ووعد الحر دين عليه .
اخوي شمالات طبعا نطحنها أو نلقاها في (قوطي) القهوة مطحونه.
اخوي ابو هشام (اول من رحب فيني في المنتدى من غير نقص في الجميع ) اذا أنا ملح المنتدى أنت (سكر) المنتدى ، والفائدة من امالة غطاء البريق والله اعلم ليكون هناك تهوية اضافيه للبريق تساند تهوية (مصب) البريق .
اخوي شمالات ترى ابو هشام شقردي مهوب سهل باين عليه.
شمالات
20-08-2005, 09:35 PM
شقردي هذي ورقه قد انى فوقها الاني

وين شقردي معه وهو مايعرف يصلح قهوة

يمكن يكون شقردي يشيل و يحط ويقطع ( لحم * بصل * طماط ... الخ )

لاكن في القهاوي ماعندك احد

ابو هشام ارجوا انك ماتزعل من كلامي مانقصك وتصير شقردي الاهالقهوة تعلمها من هذا الموضوع وارتح
ابوهشام
21-08-2005, 03:11 AM
إقتباس:

لاكن في القهاوي ماعندك احد



القهاوي لها اهلها

وترى الكلام يطول وافهم يافهيم

تبغوني اوضح اكثر من كذا

ياناس القهوه في دله ولا في ترمس

شيء عجييييييييييييييييييييييب

تسسسسسسسسسسسسسسلم ياكنج1
Alking1
21-08-2005, 08:23 AM
الله مير يسلمك اخوي ابو هشام .
نسيت اقول شي مهم ، اذا جيت تصب القهوة من الأبريق في الدله لا تصبها من (فم ) الأبريق بل فوق من عند الغطاء ، هذا اللي تعلمناه.
أعزالنـــــــــاس
21-08-2005, 09:00 AM
من جــــــدك يالكــــينج...

من عند الغطــــاء تصبونها!!!

عز الله لو أسووووي كذا إن مايقعد بالأبريق قهوووووة
شمالات
21-08-2005, 02:35 PM
القهوة مهيب في دله ولا في ترمس في كيس 8-) 8-)
:-D :-D :-D :-D :-D :-D :-D :-D :lool :lool :lool :lool :loool :loool :VG
ابوهشام
21-08-2005, 04:41 PM
عز الله لو أسووووي كذا إن مايقعد بالأبريق قهوووووة

اكيد بتروح في الدله يااعز الناس
شمالات
21-08-2005, 08:52 PM
ابو هشام صح النوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عساك عرفت تصلح القهوة
Alking1
21-08-2005, 11:50 PM
هاه وش حنا عليه ؟ شكلي انا اللي بفوز الصراحه طريقتي واضحه وعريقه .
ايضاح : لابد من وضع ليفة نخل طبيعية في اثم الدلة .
http://www.opendirectorysite.info/images/dallah.jpg
شمالات
22-08-2005, 12:18 AM
باقي نذوقها الله يسلمك
Alking1
22-08-2005, 12:21 AM
ابشر والله بالخير ، وتراي مانسيت صورة جبل شمالات ، ال ماروح للديرة ان شاء الله التقط صوره حلوه للجبل وارسلها لك.
محيرقة
22-08-2005, 02:13 AM
القهوه على الحطب احسن من النار ضع في البريق ماء نصف البريق وضعة على النار حتى يغلى لمدة ربع ساعة ثم خله يركد شوي ثم ضع القهوه بس تحت نار هادية لمدة نصف ساعة ثم ضع الهيل في الدلة وصب القهوة عليها وضعها على الجمر لمدة خمس دقائق وخذ قهوة على كيفك0
شمالات
23-08-2005, 12:39 AM
الكينج1 /// الله يجزاك الف خير

محيرقه/// شكل دلك كايفه
Alking1
23-08-2005, 09:27 AM
وين الباقين ؟؟
تفظلو زيادة قهوة ورونا كيف التصليح.
http://homecoffeeservice.com/images/CoffeeBeans.jpg
شمالات
23-08-2005, 10:07 PM
الكينج1

الظاهر الربع ليسو كيفين قهوة
أعزالنـــــــــاس
26-08-2005, 12:26 AM
اقتباس:

عز الله لو أسووووي كذا إن مايقعد بالأبريق قهوووووة




اكيد بتروح في الدله يااعز الناس


ممكن تفهم وش كنت أقصد يابو هشااااااام!!!
شمالات
28-08-2005, 12:13 AM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دهران
30-08-2005, 04:44 AM
هذي طريقتي الخاصة في عمل القهوة أرجو أن تحوز على رضاكم .

------------------------------------------------------------


المقادير ( قهوة مطحونة - هيل مطحون - زعفران - عويدي ) ولا ننسى طبعاً ابريق القهوة والدلة .

http://www.al-q.com/modules/img_upload/cache/files/000.jpg


(حط الماء في ابريق القهوة الين يفوح)
(الى فاح الماء كب القهوة المطحونة في البريق , بس شوي شوي علشان ما تطيش)وحط عليه شوي زعفران و تحط شوي عويدي مطحون او ماطحن ثم إقصر عليها وخلها تفوح على نار هادئة لين تقطع القهوة ( بعد حوالي 20 دقيقة على حسب حمسة القهوة نفسها) ثم بعد ذلك تولم الدلة.


http://www.al-q.com/modules/img_upload/cache/files/002.jpg

http://www.al-q.com/modules/img_upload/cache/files/005.jpg


تحط الدلة على النار و (تحط الهيل في الدلة)

ثم(تصب القهوة في الدلة على الهيل)

ثم(تخليها على الضو لين تاخذ فوح والا فوحين ثم تشيلها من على الضو وتكون جاهزة للتقديم)


http://www.al-q.com/modules/img_upload/cache/files/007.jpg

http://www.al-q.com/modules/img_upload/cache/files/008.jpg


(تحط الدلة في صينية التقديم - الطوفرية - مع الفناجيل والتميرات واذا كان فيه عرابيد-شعثة- ياسلام )

http://www.al-q.com/modules/img_upload/cache/files/011.jpg


وان حصل مع القهوة شويهي ونعناع وأقيطة (أقط) بأحسن وأحسن بس على شرط يناديني .

http://www.al-q.com/modules/img_upload/cache/files/dsc00012.jpg

ودمتم سالمين
Alking1
30-08-2005, 09:02 AM
الأخ المتميز المتجدد الرائع دهران أحسنت وتراي اسحب نفسي من الموضوع واعتبرك الفايز من غير نقص في الجميع أحسنت أحسنت أحسنت .
كفيت ووفيت وبالصور والشاهي والأقط ياسلام سلم ، متى تبيني اسير عليك ؟
دهران
30-08-2005, 12:13 PM
يا ضيفينا لو زرتنا لوجدتنا نحن الضيوف وانت رب المنزل)


ياخوي عينٍ لك فراش وعين لك لحاف بس متى
شمالات
30-08-2005, 09:13 PM
دهران تسلم يدك على هالقهوة الكايفة


س سؤال
ما فائدة الزعفران في القهوة؟؟؟
دهران
30-08-2005, 09:25 PM
(أولاً يعطيها لون اصفر شوي علشان كذا يقولون قهوة صفرا , وثانياً الزعفران من نبات الجنة وله ريحة طيبة , وثالثا انا احبه ياخي بكيفي لان هذي زي ما قلتلك طريقتي وكل واحد وله طريقته , ورابعا اشكر عطفاتك )
شمالات
30-08-2005, 09:38 PM
عطفاتك

ومعناها((مشكوررررر))

هي كلمة جمع لعاطفة روية عن حفص .....؟؟ هاهاها

[ تم التعديل بواسطة شمالات في 2005/8/31 1:06 ]
ابوهشام
31-08-2005, 12:40 AM
ومنعاها

يوارى جثمانه
أعزالنـــــــــاس
31-08-2005, 01:13 AM
دهران تسلم يدك على هالقهوة الكايفة


مافيهاااا شك...

أكيد حلوووووه...

ماقصر والله بالشرح المفصل
شمالات
31-08-2005, 01:40 AM
اعز الناس وين بالشرح المفصل وبس

باثها على الهواء معادتاً
دهران
12-09-2006, 01:34 AM
للرفع بعد إعادة رفع الصور