عيناوي
11-03-2007, 02:43 PM
الزين زين (10)
الزين زين ومرجـع الزيـن للزيـن
والشين شيـن ولا حشمنـا جلالـه
ومن لا يحب الزين ياقع على الشين
ولا ينفعه بالضيـق أقشـر حلالـه
واليا حصل لك زين لا تقول بعديـن
ومن لا اعتنى بالزين وش له بدالـه
أنا اشهد ان الزين حق كمـا العيـن
والشيـن اشوفـه مرجعـه للنذالـة
الزين زين العقـل والقلـب والديـن
ومن حازهن حاز الشرف والكمالـة
والزين زين الجيـد والخـد والعيـن
مـا هـي رسـوم زينوهـا بـآلـة
تكفين ياللـي تملـك الزيـن تكفيـن
جبـر الخواطـر مـا لقينـا مثالـه
صحيح بعض الزين مالـه عناويـن
يصعب على القلب المشقـى نوالـه
ولا شك باقي الزين معروف من وين
ولو هو على روح المعنى عنى لـه
وان قيل ربي خالق(ن) كل الاثنيـن
أقول صح وهـو عظيـم(ن) جلالـه
واللي خلقهـم حـط للنـاس عينيـن
وكلن يقدي دربه اللـي مشـى لـه
أنا ابذل الأسباب وربي يبـي يعيـن
ما دمت مبعد عـن دروب السفالـة
ماني من اللي طبعهـم بـه تلاويـن
وان جا مجال الفخر صاروا حثالـه
أقدر أشوف الزين بحضرة هَلَ الزين
إمـا أبوهـا أو عمـام أو خـوالـه
ذي سنـة المختارللخاطـب تبـيـن
ومن جا دروب الشرع عاف الضلالة
أقولها والنـاس ساخـط وراضيـن
واللـي سعـى للخيـر لازم ينالـه
الزين زين ومرجـع الزيـن للزيـن
والشين شيـن ولا حشمنـا جلالـه
ومن لا يحب الزين ياقع على الشين
ولا ينفعه بالضيـق أقشـر حلالـه
واليا حصل لك زين لا تقول بعديـن
ومن لا اعتنى بالزين وش له بدالـه
أنا اشهد ان الزين حق كمـا العيـن
والشيـن اشوفـه مرجعـه للنذالـة
الزين زين العقـل والقلـب والديـن
ومن حازهن حاز الشرف والكمالـة
والزين زين الجيـد والخـد والعيـن
مـا هـي رسـوم زينوهـا بـآلـة
تكفين ياللـي تملـك الزيـن تكفيـن
جبـر الخواطـر مـا لقينـا مثالـه
صحيح بعض الزين مالـه عناويـن
يصعب على القلب المشقـى نوالـه
ولا شك باقي الزين معروف من وين
ولو هو على روح المعنى عنى لـه
وان قيل ربي خالق(ن) كل الاثنيـن
أقول صح وهـو عظيـم(ن) جلالـه
واللي خلقهـم حـط للنـاس عينيـن
وكلن يقدي دربه اللـي مشـى لـه
أنا ابذل الأسباب وربي يبـي يعيـن
ما دمت مبعد عـن دروب السفالـة
ماني من اللي طبعهـم بـه تلاويـن
وان جا مجال الفخر صاروا حثالـه
أقدر أشوف الزين بحضرة هَلَ الزين
إمـا أبوهـا أو عمـام أو خـوالـه
ذي سنـة المختارللخاطـب تبـيـن
ومن جا دروب الشرع عاف الضلالة
أقولها والنـاس ساخـط وراضيـن
واللـي سعـى للخيـر لازم ينالـه