هل تنتج سويسرا نجد الفواكه

[mannaah]

[عبدالرحمن]

[المستشار]

[أبومشعل]

[mannaah]

عبدالرحمن,
اما مصادر الشتلات فعندك الشركات الكبيره المعروفه a
شكرا أخي عبد الرحمن على المعلومات القيمة وواضح إنك خبير في الزراعة - ماشاء الله - وردك على سرعته مفيد جدا
ولكن عندي سؤال : الشركات المعروفة مثل إيش ؟ وهل الحمضيات تعيش في الماء المالح ؟

المستشار,
الله يبارك لك في هذه المزرعه ويعينك عليها ويعطيك من خيرها ويكفيك شرها
أشكرك أخي المستشار على الدعوات اللي مانستغني عنها أبدا
المستشار,
ترى أمورك تسمحت إن شاء الله
أسال الله يسمح دنياك وآخرتك
أبومشعل,
ودواها الحراثة والواير
الأخ أبو مشعل أشكرك على النصيحة الواضحة والصريحة ولكن مارأيك لو تركنا (العيدان) يظلل ويحمي الأشجار الصغير ( أشجار المستقبل) من حر الشمس ؟ وغرسنا النوايع في مكان آخر من المزرعة ( خاصة إن المكان فيه بركة )
الأخوان عبد الرحمن والمستشار وأبو مشعل : شكرا على النصائح الغالية وأعدكم - بإذن الله - بسلال الفاكهة المنوعة

[لؤلؤة]

ما شاء الله عليكم كلكم ، كل واحد يدلو بدلوه وحنا ند خل و نستفيد بمعلومات قيّمة، فعلا منتدى رائع يزيد معلومات الشخص بكل علم .
شكرا للجمييييييييييييييييع .

[أبو ليان1]

بالنسبة للرمان جربته في مزرعتنا في القويعية بين النخيل وفي ظلالها والملوحة عاليه وكانت نسبة نجاحه 60% يعني حبته معقوله طعمها حلو لكن اللون أبيض مائل إلى الصفار ولقينا كم وحده لونها وردي الداخلي فرحنا وصورنا معها ... لكن في السنة الثانية لم تنجح المحاولات غيرنا التربة وكانت نسبة النجاح أقل بكثير الحبة كانت صغيرة جداً والطعم أقل حلاوة واللون كله أبيض بعد كذا نتفناها وعطيناها الغنم ....

أما العنب يطلع معك عادي لكن الطعم أغلبه حامض .... الحمضيات ما فيه أمل من العام راكزين التفاح وننتظر يظهر شي البرتقال يطلع بس بدون ماء يعني ناشف شوي .... العبري يطلع بس السنة اللي فاتت سقيناه بالماء الحلو ويطلع على كيفك لكن ما يجوز نسقيه بالماء الحلو اللي نشرب منه فهو إهدار مع أنه استخدام شخصي وليس للبيع ..

والأفضل خلك على النخل ترى فيه بركه يطلع لك ياسلام ما يحوسك إلا إلين جاه أبو غبير ..... وسلامتكم .

[عبدالرحمن]

ولد الشايب,
شكرا أخي عبد الرحمن على المعلومات القيمة وواضح إنك خبير في الزراعة - ماشاء الله - وردك على سرعته مفيد جدا
ولكن عندي سؤال : الشركات المعروفة مثل إيش ؟ وهل الحمضيات تعيش في الماء المالح ؟


هلا اخوي ولد الشايب:

التربة الصفراء والخفيفة أفضل تربة لزراعة الموالح

الأراضي الثقيلة غير مناسبة للموالح لزيادة احتفاظها بالماء مما قد يؤدي إلى الإصابة بالتصمغ.

ملوحة التربة وماء الري لهما أيضا تأثير في نجاح أشجار الموالح، نسبة الملوحة في التربة وماء الري يجب أن لا يزيد عن 1500 جزء / مليون في الجريب فروت 6000 جزء / مليون .

يمكن للموالح أن تنمو في أراضى يتراوح فيها مقدار الحموضة pH من 5 إلى 8.5.

اما بخصوص الشركات التي تبيع شتلات موثوق فيها ومناسبة لاجواء السعوديه بشكل عام فأرجو ان تعطيني فرصه لإبحث الموضوع وأتأكد منه واعطيك الخبر ان شاء الله
والسلام عليكم ورحمة الله وبركاته



[ تم التعديل بواسطة عبدالرحمن 12.06.2007 - 20:57 ]

[عبدالرحمن]

هلا وغلا اخوي ولد الشايب واَسف على التاخير لاني والله كنت مشغول شوي

اما ما يخص الشركات الموثوق فيها فعندك شركة استرا و اعتقد عندهم محل بيع في الرياض
يبيعون فييه اكثر الفواكه التى تنجح فب السعوديه

وفييه مشتل في نساح والله نسيت اسمه (ما عاد اجمع ) لكن ممتاز في انتاج الموالح لانه يختار اصول ممتازه ومقاومه للامراض . عنده انواع البرتقال والليمون وعنده تين وعنب ورمان
وانا والله من زمان مازرته ولا ادري عن وضعه الحالي هل هو مازال مستمر في الانتاج او ان توقف عن الانتاج

لان فكرة المشتل قائمه على انه ينتج لنفسه فقط ويبيع الزائد عن حاجته

وماشاء الله مزرعته عامره بالموالح بجميييع انواعها