أبن بريدةالشاعر ياسر التويجري يغضب آل زلفه

[عبدالرحمن]

[ --------------------------------------------------------------------------------

في امسيته الاخيره في مهرجان بريدة فجر أبن بريدة الشاعر ياسر التويجري قنبلتين احدثتا ثوره وكانتا حديث الناس

الاولى عندما هاجم الزعيم الليبي معمر القذافي وشتمه وقلل من رجولته

والقصيدة الثانيه هاجم بها عضو مجلس الشورى السعودي آل زلفه صاحب الاقتراح بتطبيق قيادةالمرأة ووجه التويجري عدد من الاهانات الى آل زلفه واتهمه بأنه علماني وقريب للنصارى ويستحق القتل

وقد كان لهذه الامسيه تبعات قد تتسبب بايقاف الشاعر ياسر التويجري وايقافه والتحقيق معه حيث يتردد ان آل زلفه قدم شكوى ضده كذلك امارة القصيم طلبت شريط الامسيه بعد ان وصل اليها شتمه للزعيم الليبي ومهاجمته آل زلفه

وقد هاجم التويجري الرئيس الليبي في قصيدته بعدد من الابيات حيث ورد فيها


بـك نباهـي صناديـد الملـوك ونكسـر التمـثـال

================ ونفخر فيك عنـد اللـي نـوي يخدشـك ونذلـه

معمر جعل مـا عمـر عليـه مـن الزمـن ينهـال

================ مـدمـر جـعـل تدمـيـره عـلـى طـاريـه يدبـلـه

هـو يعقـد قناصيعـه وشوشـة ذخذخـه بحـبـال

================ وانـت تعقـد مفتـول الحبـال الشهـب وتحلـه

كفى من حط مركاتـه نقيصـه وارتكـى لا مـال

================ مـاهـو ملـيـوم لاخـــذا طـبــع الـمــره كـلــه

لسـان وقذلـة سـوداء وبـاقـي لــه يـحـط دلال

================ وأظنـه يلبـس الغدفـه اذا المطنـوخ بيّـن لـه

يا بو متعب يا بو كل اليتامى يا دليـل الضـال

================ عـدوك لا كثـر هرجـه انـا طالبـك شكـل لــه

وحنـا بيـن كفينـك جنـودك طـال عمـرك طـال

================ اشر تأشر بس بخنيصر يسارك ونتشايل له


أما آل زلفة فقد استهتر به ياسر وباقتراحه وانه افكار علمانيه ويريد ان يضيع بناتنا وشبابنا بهذا الاقتراح الذي لا يصدر االا من علماني واننا نفتخر بالشيخ سلمان العودة وفكره النيّر وليس بأفكار هذا العلماني وقال ياسر في القصيدة


افـتــح الـقــرآن يالله او حـديــث الـسـنــه

================ واعطنـي اقــوى دلـيـل يفـنـد العلمـانـي

كـانـه مكـفـر فعطـنـي مقـضـب المنـسـنـه

================ والله الـوالـي لجـبـع عـاتـق النصـرانـي

وان غدا عاصـي فرحبـي للـذي وش كنـه

================ عين نبع من صفاهـا تـروي العطشانـي

شيـخـي الـلـي منـتـه مـنـه ولا أيــة مـنـه

================ ضلع قلبي بيض وجهي جدي الروحاني

عزكـم يـا العـوده اللـي تكـسـرون الشـنـه

================ وعزنـا بالـديـن حـنـا شيخـنـا سلمـانـي

الـخـوارج حوطـونـا مـثـل ســـور الـعـنـه

================ عـذرهـم رايـيـن لازم واحــد مــع ثـانـي

وآخـــر الاراء شـفـتـه واحتـقـرتـه لنــــه

================ الدلـيـل الـلـي يـؤكـد نـزغـة الشيطـانـي

ودهـــــم ان الــعـــذارا يـركــبــن الــدنـــه

================ ويتمـشـن بالـشـوارع كــان بالامـكـانـي

علمـوا راع المعـارض كـان يبغـى الجـنـه

================ لا يبـيـع الا الـرجـال وعـلـم الحـمـرانـي

والله ان البـنـت والله لــو تـســوق بـفـنـه

================ ان تصـيـر بمملكـتـنـا ثـــورة الشـبـانـي

وان تشـن الحـرب شنـه مـا وراهـا شـنـه

================ وان يصير الزيت واللي يطلبـن مجانـي

لا تقيـس الــدار هــاذي مــع ربــوع فيـنـا

================ ولا تـقـارن هالشـبـاب بـواحـد لبـنـانـي

أبـــك ذولا مـجـرمـيـن وعــالــم مـنـجـنـه

================ عشقهم لحـم الجمـال وطبخـة الضبانـي

الهـلالـي مـثـل شكـلـي لــو يـجـن ينخـنـه

================ فـي عـطـال القـيـر والا قفـلـة البيبـانـي

فــي طـريـق مظـلـم مــا للمـوبـايـل رنـــه

================ مقطعـه مـا فيـه حولـه مرمـرة سكـانـي

وش يسوي يا جماعه ؟!.. الله اعلـم انـه

================ يفتح المصحف ويقرا سورة الرحمانـي!

عـلــم الـزلـفـه يـوقــف لا نـخـيـب ظــنــه

================ فالقصيـد الـلـي بـحـده خنـجـر عدنـانـي

ايــه شـاعـر والـدلالـه كـسـرة فــي سـنـه

================ لأنعمى ينطـح بوجهـه نطحـة العميانـي

الله اكبـر يـا قـرى مكـه ويـا اهــل السـنـه

================ عرضكـم اصبـح نقـاش لواحـد علمانـي

القصيدة بالفيديو

منقول

[gumaro]

مشكورررررر
اخوي عبد الرحمن على الاخبار اللي تنقلها اول بول

[admin]

هـو يعقـد قناصيعـه وشوشـة ذخذخـه بحـبـال

================ وانـت تعقـد مفتـول الحبـال الشهـب وتحلـه

مشكور أخوي عبدالرحمن لكن ممكن تترجم البيت أعلاه للأعضاء

[عبدالرحمن]

مرحبا admin & gumaro شكرا على مروركم .
اما بخصوص شرح البيت يا admin فاخوك يالله عرف يقراه ولكن ما فيه عيب ان الواحد يجتهد
الشطر الاول وصف لشخصية القذافي وهيئته في لبسه بشكل عام.
والشطر الثاني فهو مدح لبومتعب عبدالله بن عبدالعزيز
وارجو من اللى يفهم الشعر وعنده توضيح ادق واشمل ان لا يبخل علينا به والفائدة للجميييييع
والسلام عليكم

[المستشار]

لا تقيـس الــدار هــاذي مــع ربــوع فيـنـا

================ ولا تـقـارن هالشـبـاب بـواحـد لبـنـانـي

أبـــك ذولا مـجـرمـيـن وعــالــم مـنـجـنـه

================ عشقهم لحـم الجمـال وطبخـة الضبانـي -------------
لا أتفق .... فشبابنا فيهم الخير والبركة وإن ظهر الشر في بعضهم

[عبدالرحمن]

كلامك صحيح يا المستشار وانا اوفقك عليه فالخير في شبابنا الحمد لله اكثر من الشر .

[معلــ-بالقويعيةــم]

سنايدي يا ابن بريدة والله
شاكر لك اخوي عبدالرحمن على المشاركة الحلوووووه

اما من ناحية ترجمة البيت اللي يقول الأدمن حلوه ترجمه هههههههه

هـو يعقـد قناصيعـه وشوشـة ذخذخـه بحـبـال

================ وانـت تعقـد مفتـول الحبـال الشهـب وتحلـه

زي ماقال اخوي عبدالرحمن الشطر الأول يتحدث عن القذافي والقناصيع يقصد بها الشعر المتراكم فوق بعضه اما ذخذخه اعتقد انها مؤخرة الرقبة .
اما الشطر الثاني فيتحدث الشاعر عن ابو متعب عبدالله بن عبدالعزيز ولي العهد أطال الله في عمره لما فيه من الحنكة والحكمة والقيادة .

تحياتي
معلم بالقويعية

[ تم التعديل بواسطة معلــ-بالقويعيةــم في 2005/7/30 14:06 ]

الاخ عبدالرحمن لن اناقشك في قصيدة الشاعر في القذافي لان الكثير قالوا قصايد في الموظوع هاذا؟وهو بلاشك يشكر على غيرتة على الوطن ورموزة؟لاكن انة يعتدي على عظو مجلس شورى ذنبة انة طرح موظوع قيادة المراءة لسيارة؟للمعلوميتك الشاعر هاذا قبل شهرين كان في قطر قاعد يطرب لقطر ودستور قطر وانفتاح قطر كان مافي الدنيا الا قطر لاوقايل قصيدة في ولي عهد قطر تفوق كل قصايدة؟دمت لمحبيك

[عبدالرحمن]

السلام عليكم ورحمة الله وبركاته
شكرا اخي mezeeeel على مرورك وتعليييقك اما بخصوص الشاعر فأنا لا اعرفه ولكن اعجبني قصيده وحبيت اشارك به .
وقولك انه قبل شهرين في قطر ويمدح انفتاح قطر فمثل مأنت عراف العيشة مدوره (يمكن له مصلحة من ذلك ).
وعلى كل حال شكرا لك على المعلومات التي ادليت بها .
والسلام عليكم ورحمة الله وبركاته

اخوي عبدالرحمن:حبيبي ولا يهون الشاعر ناصر القحطاني

واذا تبي قصة القحطاني راسلني على الخاص