طريقة عمل زيت الجرجير

[كويتية وأحب السعودية]

شلونكم بنات

طريقة عمل زيت الجرجير



اللي تبي شعرها يطووووووووول ويصير ناااااااااااعم تستخدم هالخلطه

علبة زيت عافية

حزمة جرجير

غسلي الجرجير عدل وأفرمي أوراقه مع عروقه

أفرميهم مع شوي من زيت عافيه وحطيه بعلبة زيت عافيه

ورجيها كل يوم لمدة عشر أيام

وخليهم بدون رج عشر أيام

يصير لون الزيت أخضرغامق

استخدميها ثلاث مرات بالأسبوع لمدة ساعه مو أكثر

وغسلي شعرج بشامبو دوف لأنه خفيف مافيه وايد صابةن

بس الله يعينج على الريحه بتلوع جبدج بس شتسوين صبري ساعه تحملي

بس بتشوفين الفرق بعد الاستخدام

وعندي مواضيع وايد عن البشره والشعر ان شاء الله بنزلهم

لاتنسون تدعون لي

[بنت القويع]

مشكوره اختي الغاليه عالوصفه وتقبل مروري

[أعزالنـــــــــاس]

طيب علبة زيت عـــــافية فاضية والا فيها زيت!!!!


اسمحيلي ممكن يكون سؤالـــــــي غبي


بس علبة زيت عافيه فيري بيق!!!!


وضحي لي اكثررررر لاهنتـــــــــــي..

[كويتية وأحب السعودية]

شاكره لكم مروركم اللي نور موضوعي

بالنسبه لزيت الذره أكيد متروسه العلبه مليانه زيت

لازم الكميه تكون كبيره علشان تكفي مو تحطين نقطتين على شعرج

لاحبيبتي غرقيه خلي الزيت ينقط من شعرج علشان تستفيدين كلها ساعه تحملي

[نجمة الثريا]

مشكورة أختي على الوصفة بارك الله فيك

كويتية وأحب السعودية,
بس الله يعينج على الريحه بتلوع جبدج بس شتسوين صبري ساعه تحملي

طيب بعد الساعة بتروح الريحة وإلا بتستمر؟؟

[كويتية وأحب السعودية]

هلا فيج أختي واذا على الريحه غسلي شعرج زين بالشامبو مو تفركينه حيل وفيه طريقه حلوه توخر اي ريحه بالشعر لأن بعض الخلطات فيها ثوم عقب ماتغسلين شعرج بالشامبو غسليه بخل ابيض وخففيه بالماي يعني كأس واحد ماء وملعقه خل ابيض أو عند غسل الشعر بالشامبو اخذي نص كأس ماء وحطي فيه قهوه او نسكافيه وحركيه شوي وعقب غسلي شعرج فيه وتروح الريحه

مشكوره عالمرور عزيزتي