حفر بئر في المزرعة !!

[أبو ليان1]

السلام عليكم ورحمة الله وبركاته ،،،

أخواني أعتذر عن انقطاعي عن الكتابة في هذا المنتدى الشامخ والذي لم أفارقه إلا بسبب كثرة الانشغال بأمور الدنيا التي لم تمنعني من المرور شبه يومي لمعرفة أخباركم وأخبار الديرة مالكم بالطويلة ::

عندنا مزرعة جنوب القويعية ونبي نحفر فيها البير الرابع لأن الثلاثة ناشفين ما فيه إلا واحد ربع بوصة ومالح والآبار السابقة اعتمدنا فيها على الصناتين من أهل الديرة وعلى عمق 130 متر لكن هالمره ودنا بالأجهزة والتكنولوجيا وأعمق من كذا نبي ماء "" الله يجيب الخير "" نسقي فيه النخيل والغنم من يدلنا على أحد يستخدم هالأجهزة ولا الجهاز نفسه وين ينباع ومن اللي مجربه تكفون أفيدوني الله يجزاكم خير ...

[الحنين]

والله ما ادري بس ماحبيت اقرى واسفهك

قلت بارد واقول ما ادري

[sweet girl]

^

نفس الحاله

والله يعينكم , ويجيب الخير ,

ان شاء الله يفيدونك أهل الخبره

تحياتي ,,

[sالجبيريs]

بالنسبة للأجهزة ما عندي علم
لكن اللي أعرفه إن حفر الآبار هالأيام ممنوع إلا بتصريح
ولازم الحفار بعد معه تصريح

تأكد قبل ما تتورط

[راعي البليزر]

بالنسبة للأجهزة ما عندي علم
لكن اللي أعرفه إن حفر الآبار هالأيام ممنوع إلا بتصريح
ولازم الحفار بعد معه تصريح

تأكد قبل ما تتورط

ايه نعم ممنوع ولازم تصاريح

والتصاريح موقفه

( ابوي من قبل شهر 9 اللي فات وهو مقدم على ارتواز في المزاحمية والى يومك ما جتنا الموافقه )

والان طبق في القويعية نظام منع الحفر الا بتصريح


واذا صادوك تحفر غرامه 25 الف عليك وغرامه 25 الف على الحفار وينذر المره الاولى والمره الثانيه يسحب التصريح

يعن المجموع 50 الف

بس اذا تبي انكانك في منطقه بعيده عن المزارع ولا جنبك ناس لك معهم خلافات

فاتفق مع حفار ( فرار ) يشتغل معك في الليل اذا غابت الشمس ويخلص الحفار في ليله

وبتكلفه بسيطه اقل من القليب الاف المرات

واذا تأكدت ان فيه مويه هذيك الحزه احفر ( قليب ) اما انك تحفر على طول قليب ما يصلح وانا اخوك

عس المويه قبل تحفر وتتوهق ويروح حفارك كله خسااااره

ــــــــــــ

وبالنسبه للاجهزه موجوده بس على حسب علمي غير دقيقه يعني مره تصيب وعشر مرات ما تصيب وغااااالية الثمن

بس وينها موجوده فيه ما ادري والله

بس اكيد بتكون في الا ماكن اللي تباع فيها المعدات الزراعيه
مثل: ( شارع الريل ــ دويرا الخرج ... الخ)

ــــــــــــــ

ولعلمك الايام اللي بتجي راح تنزل المويه في بطن الارض لمدة حوالي شهرين

يعني اللي عنده قليب ربع بوصه تشتغل نصف ساعه في الايام الجايه ما راح تكمل 10 دقايق الا وتقطع

ــــــــــــــ

تقبل تحياتي

اخوك

سعد بن محمد

love


ــ

[صقار]

ايه نعم ممنوع ولازم تصاريح

والتصاريح موقفه

( ابوي من قبل شهر 9 اللي فات وهو مقدم على ارتواز في المزاحمية والى يومك ما جتنا الموافقه )

والان طبق في القويعية نظام منع الحفر الا بتصريح


واذا صادوك تحفر غرامه 25 الف عليك وغرامه 25 الف على الحفار وينذر المره الاولى والمره الثانيه يسحب التصريح

يعن المجموع 50 الف

بس اذا تبي انكانك في منطقه بعيده عن المزارع ولا جنبك ناس لك معهم خلافات

فاتفق مع حفار ( فرار ) يشتغل معك في الليل اذا غابت الشمس ويخلص الحفار في ليله

وبتكلفه بسيطه اقل من القليب الاف المرات

واذا تأكدت ان فيه مويه هذيك الحزه احفر ( قليب ) اما انك تحفر على طول قليب ما يصلح وانا اخوك

عس المويه قبل تحفر وتتوهق ويروح حفارك كله خسااااره

ــــــــــــ

وبالنسبه للاجهزه موجوده بس على حسب علمي غير دقيقه يعني مره تصيب وعشر مرات ما تصيب وغااااالية الثمن

بس وينها موجوده فيه ما ادري والله

بس اكيد بتكون في الا ماكن اللي تباع فيها المعدات الزراعيه
مثل: ( شارع الريل ــ دويرا الخرج ... الخ)

ــــــــــــــ

ولعلمك الايام اللي بتجي راح تنزل المويه في بطن الارض لمدة حوالي شهرين

يعني اللي عنده قليب ربع بوصه تشتغل نصف ساعه في الايام الجايه ما راح تكمل 10 دقايق الا وتقطع

ــــــــــــــ

تقبل تحياتي

اخوك

سعد بن محمد

love


ــ





كلام اخونا راعي البلزر صحيح 100%




تقبل مروري

[دهران]

يارجال لا تدور حفار ولا تتعب نفسك ....

تصبّر شوي وبيجيب الله الخير والمطر والسيول وبتمتلي إن شاء الله قلبانكم ولا عاد أنتب محتاج لا لحفار ولا لتصريح بس أكثر من الإستغفار وسؤال الذي لا يرد من سأله

وعسى الله يرحمنا برحمته آمين .