اخوي قرناس بدينا حسب الطلب

[راعي المجاهيم]

السلام عليكم ورحمة الله وبركاته

لنا مده ما شاركنا في هالمنتدى الطيب من طيب القائمين عليه والا ترانا ما ننقطع عن زيارته

استلم يا قرناس:


قرناس قال البدايه خلها عندك = يا مارد الشعر حضر حضر بجندك
ما عاد به يوم ثاني تزحم بزندك = والحكم لله ثم ليعال اخو نوره


قوم يا قرناس والملعبه مهيب حره = به قيود وبه قوانين واعلامٍ ترف رف
ابتدينا والله اكبر وجر اللحن جره = يا صفوف ويا جماهير ميقافٍ يشرف

[طامي]

صح لسانك بس قرناس نايم
صوتك وصل

[منير القحطاني]

واصلويعطيك العافيه راعى المجاهيم

[قرناس]

مرحبا والله
صح لسانك ياراع المجاهيم
أبيات وااافية
خلووووههااااا

إبد البداية وانا بعطيك من ردي
ما عندي جنود أبمسك يدّك بيدّي
أبيك لا شفتني يالصاحب تهدّي
الحكم لله ثم لعيال أخو نورة
،،،،،،،،،،،،،،،،،،،،
جيتكم مير أنت فالملعبة قصاص جره
مثلك إليا ضاق دربه يضيع و لا تصرف
أشعب الطاروق قرناس ما جاك شره
عارفة ميقاف عند النشاما ما يعرف

/////
أخواني
طامي
منير القحطاني
أسعدني مروركما

[راعي المجاهيم]

السلام عليكم ورحمة الله وبركاته

استلم يالعميل


الله يحييك والميدان مفتوحه = ناخذ بها يا عميلي جيه وروحه
وكلٍ يدور بتالي الوقت مصلوحه = والحكم لله ثم لعيال اخونوره


الله ايحييك يا صاحبي مره ومره = كان تبغا العلم ياخوك حذرا لاتتطرف
ومثلي الى ضاق دربه لقا دربٍ يسره =والطواريق انعسفها ولا فيها نحرف

[راعي المجاهيم]

طامي -- منير القحطاني

يعطيكم العافيه على التشجيع

[عجلان]

ومثلي الى ضاق دربه لقا دربٍ يسره
والطواريق انعسفها ولا فيها نحـرف




كفوووووووووو


متابع واصلو بارك الله فيكم

[راعي المجاهيم]

اخوي عجلان انت والله اللي كفو ما شاء الله عليك متابع في كل شي الله يوفقك

[قرناس]

خلللووههها
أنته تروح وتجي وأنا آتفرج بك
مدري بلى القاف وإلا مبلي بحبك
آمرار تنشب بنا وامرار أبنشب بك
والحكم لله ثم لعيال أخو نورة

،،،،،،
أنصح أصغر منك ولا الدواء خله بصره
من بحرنا شد حيلك وهيت السِيف وأغرف
راعي المجهم مجاهيمه السوداء تضره
ودي ألحق قبل عقله علينا لايخرف

[راعي المجاهيم]

ارررحب يا قرناس

المحاوره اذا طولت تبرد


انته اذا رحت يا قرناس ما ترجع = مادري من القل والا والاناوي تفجع
ما انتب مثل ما تقوله يا صبي اقنع = والحكم لله ثم لعيال اخو نوره


ان نصحت او ما نصحت المعلم ما تضره = داو عينك يا مصيبح والا بتصرف
راعي المجهم عسى الله يكافي الناس شره = وان لحقت او ما لحقته معي ظرف مظرف

[سالم القحطاني]

صحت ألسنتهم

[راعي المجاهيم]

صح بدنك يا ابو فهد