المساعد الشخصي الرقمي

مشاهدة النسخة كاملة : في ذا احد؟ ياولد!!

الشايب
28-01-2006, 12:17 AM
سلام عليكم
تراي جيتكم ياعيالي ... وتراي شايبكم ... اعجبني هالموقع الزين ... وقلت ياولد احم قصدي قلت ياشايب . ورى ماتسجل مع عيالك في هالمنتدى الزين ونوسع صدورنا ونسولف .... ومن المغرب وانا متولم للتسجيل وشريت ملف علاقي وصورت البطاقه بسجل ... بس قال لي ولدي مايحتاج اوراق سجل على طول ,, واليوم ياعيالي تراي عضو معكم .. لا تخلوني .بدل ما أضيع وقتي في سوق الغنم ، والا مع هالشيبان نشذب في خلق الله .
وفمان الله
ابوبسام
28-01-2006, 12:24 AM
مرحباً 1000
الله يرجك شايب زاحف
فردحمزه444
28-01-2006, 01:06 AM
مرحباااااااا مليووووووووووون...

http://www.3yoonoman.com/taraheebpics/22.gif
gia1444
28-01-2006, 01:13 AM
أقلط أقلط
الشايب
28-01-2006, 01:31 PM
اعيالي :ابو بسام،فردحمزه444،gia1444، المهلي مايولي ,,, الله يجزاكم خير على الترحيب ... بس وين ربعكم الباقين ؟؟ عسى مايحبون الشيبان ... تراي شايب زاحف وعندي حكم وعلوم كثيرة بتعجبكم إن شاء الله ... بشرط ترحبون فيني زين والقهوة والغداء والشاهي والعلوم الزينه اللي تخلي الواحد يستاسع صدره ويسولف زين ... وان كان ماعليكم كلافه لو فيه قريصات والا جريشّه والا لبن خاثر يقعد الراس..
وسلامتكم
السهم الملتهب
28-01-2006, 03:11 PM
فنجال مع سيحت بال
admin
28-01-2006, 03:39 PM
مرحباً مليووووووووووووووووون
والدار دارك
أيها الشايب
ابوبندر
28-01-2006, 10:22 PM
حللت أهلاً ووطئت سهلاً
سيبويه
28-01-2006, 10:48 PM
هلا وغلا بالشايب الغالي
إن شاء الله نستفيد من خبرتك في الحياة
ابوهشام
28-01-2006, 10:59 PM
الله يحييك تحية المطر
واكيد بتدخل المنتدى الساعه 6 الصباح مدام انك شايب وتراي من ربعك
الهواوي
28-01-2006, 11:48 PM
الله يحييك ويطول عمرك على الطاعة...


(بس شكلك ولبسك يوحي أنك من شيبان الخواجات منتب من شيبان الديرة)
محيرقة
29-01-2006, 11:16 AM
مرحبا مليون
والله يستر شايب وزاحف
والصوره تخوف
والله اني ماادري عن هذه العينات؟
Alking1
30-01-2006, 09:46 AM
الزاحف
02-02-2006, 08:56 AM
الموحد
02-02-2006, 10:31 AM
الشايب
02-02-2006, 06:52 PM
اعيالي :السهم الملتهب : ابعدي والله يازين الفنجال ينقض التعب.
الادمن:الله يجزاك خير ياولدي ويكتب لك الاجر على هالمحل اللي انت حاط نتقابل فيه .
ابو بندر: جزاك الله خير.
سيبويه:ابشر بالخير ياولدي.
ابو هشام:الله يبقيك . وانا اشغل الكمبيوتر متى مابغيت الا ني الصبح في سوق الغنم اترزق الله.
الهواوي:واياك ياوليدي والله يسامحك انا من اهل الديره بس ولدي الله يهديه عكسني وانا ماتولمت جالسين في المشب عقب الفجر ولابس قبعي مافيه احد غريب ويقوم العله ويعكسني وانا ماتولمت .الله يهديه لكن ان شاء الله بروح للمصور واشخص واجيب صورتي.
محيرقه : الله يبقيك ولا تخاف ترى مناب اعض تراي حبيب ، لكني اصير اقشر في وقت القشر... طلايب وعلم خايب ، بس بالحق.
الكنج1:الله يعافيك ، والعياره مطلوبه خلنا نوسع الصدر معاد ي العمر كثر مامضى.
الزاحف: الله يحييك وانا مابي اتعرف عليك .. وش بلاك راكب على التنده الله يستر مناب احب هالحركات الشينه.
الموحد : الله يعافيك ويجزاك خير بس انا وضحت السبب
آآآآآآه تعبت اصابعي من الكتابه على البورد بروح آكل حبوب الروماتيزووم<<زوم والا كامري ... تراي زاحف.