شوفوا وش سوى هالزاحف مع الهيئة

[أبوفيصل]

ابغى اقولكم سالفه (يقولون) انها حقيقه مع واحد زاحف يتمشى على رجوله >> يهضم من زين هالجسم<<المهم قاعد يمشي شوي والا الهيئه موقفه واحد ويتلونه من سيارته بغوا يمصعون رقبته ومعه بالسياره بنت ؟؟ ويتلون البنت بعد .. وكل هذا وابوالشباب ـ خوينا ـ يطالع المهم ركبوا البنت الجيب حق الهيئه واستفردوا بالولد تمغيط وتسفيل والدم للركب قام خوينا صعبت عليه البنت قال ليه ماأستر على البنت وافقع بها لبيتهم طبعا سيارة الهيئه كانت تشتغل ومافيها احد الا البنت والهيئه مشغولين بتمغيط الولدوالله ويصمل الولد طلع ذيب ((شكله اول واخر مره يتهور ويصير ذيب ))ويطمر بالجيب ويتله شوي الا والهيئه يسمعون صوت تفحيط يطالعون الا جيبهم يمشي طبلونه ويدز ابو الشباب ويخش حواري >مسوي بيضيع بهم ><المشكله ماوراه احد<< وينطل البنت بيتها وينطل الجيب باقرب لفه وياخذ ليموزين ويرجع للمشى>>له نفس يمشي بعد هو ووجهه بعد اللي سواه <<
وانتهت فصول هذه المغامره مع هذا الذيب الامعط
وسلامتكم


تحياتي ،،،،

[المقنع]

والله أنه نشمي بس كان المفروض يخليها تاخذ جزاها وتتأدب ويتعض غيرها .........http://www.jenaan.net/vb/images/smilies/a/2.gif

[المتسائل]

سبحان الله ساق الله لها الستر
وهناك من يزعل

[da911]

ويطمر بالجيب

اخبر الهيعة على قولة الشيبان معهم جموس مهيب جيوب الا اذا غيروها عقبي

وبعدين كيف طمر هذي فسرها والعسكري مكلبشة

[ تم التعديل بواسطة da911 في 2005/8/4 0:31 ]

[أبوفيصل]

اخبر الهيعة على قولة الشيبان معهم جموس مهيب جيوب الا اذا غيروها عقبي
جمس جيب المهم سيارة .. وبعدين انا قلت (سالفة) يقولون انها صحيح يعني انا مثلك مدري عنها .

كيف طمر هذي فسرها والعسكري مكلبشة
شكلك فهمت السالفه غلط ياخوي .. اللي طمر واحد يشوفهم يعني ماله دخل بالقضية جاي المكان هذا يسوي رياضة فيه وشاف الهيئة وهي ماسكة واحد من الشباب ومعه بنت ، وحب يفزع للبنت ويوديها لبيت اهلها ويستر عليها قام طمر بسيارة الهيئة .

[al7zan]

ههههههههههههههه
ودي اشوف وش رد فعل الهيئه <---------<<تعجبني المواقف هذي
يعجبك الذيب ستر على البنت حتى لو كانت على خطاء بس الله روحم غفور وفضيحة البنت ماهي هينه
وعندي سؤال طارف؟؟
وشلون عرف بيت البنت <--------<< ما يفوت شي
ومشكور اخوي الغالي على الموضوع
الحــal7zanــزن

[admin]

اخبر الهيعة على قولة الشيبان معهم جموس مهيب جيوب الا اذا غيروها عقبي

عندهم جيوب ولا بعد لاندكروزر دي 911 صحح معلوماتك وهذه قصة حقيقية
وشكراً

[هديل-القويعيه]

أخوي فيصل

المشكلة والمصيبة ان الكثير يضحك ويسب

وينكت على الهيئة

يا ابوفيصل الهيئة اعتبرهم اشرف وافضل مهنه

سخروا طاقاتهم للذود والدفاع عن اعراض المسلمين

ولهم جهوووووووووووود كبيره ولكن لا يعلم بها الا الله

فهم يعملووووون على الستر على اعراض المسلمين

اسأل الله ان يشد بأيديهم ويكتب لهم التوفيق

ويجزيهم كل خير

لو الله ثم الهيئة ان تبي تشوووف العجب