لغز ونبغا الحل يالله شباب يالله صبايا

[الملتمس]

انشدك عن بنت لها سيف مجرود @ تقلط على روس الرجال تحردها

وليا اطلقتهم روسهم ذربه وسود @ طابوا لمن حسبته مااوفى عددها

[ابوالوليد]

أتوقع أنها ( البرّايه )


صح و لا

[أبومشعل]

مليون هلا وغلا أخي الكريم / الملتمس ومسا النور والسرور
إذا ما خاب ظني فأن حل اللغز هو: (البراية)

[أبومشعل]

ما شاء الله عليك أخوي / أبو الوليد

من وين طلعت ؟

ما كان فيه أحد قدامي عندما دخلت للإجابة

نعم الحواب صح وهو البراية وسبب تأخري هو البحث عن صورة

http://www.al-q.com/modules/img_upload/cache/files/______17.jpg

وما دام أنت أول واحد جاوب على اللغز عطنا لغز جديد

[ابوالوليد]

أبشر يا أبومشعل



انشد ك عن رجلا اخذ من البيض ثنتين

يرقد بينهن وكلا يشوفه

لا اخذهن بدعه ولا اخذهن على الدين

والكاف لتوضيح اول حروفه

واظن عــــــاشق وضحـه لكــم زين

والذكي منكم ماضني يطوفــه


يله عطوني الحل

[الملتمس]

شكرا اخوي ابو الوليد واخوي ابو مشعل واجابتكم صحيحة الحل هو البراية

ولا يزال البحث جاري عن حل اللغز

[الملتمس]

[الملتمس]

[ابوالوليد]

الحل هو الكبـــــــــــــــــــــــــــــك

الجواب خطأ أخي الملتمس


إذا ما عرفتو الحل قولولي وأعطيكم الحل

[الملتمس]

عطنا الحل يابوالوليد انا زهمت ابو مشعل بس ماجاب الحل ابو مشعل

[ابوالوليد]

الحل هو ( ورق الكربون )

[الملتمس]

ياويش غايب حاكمينه بالاعدام
ذكاه حطـم دوله(ن)مستقلـه
لازال تلقاه العرب بعض الايام
مات الحكم والمتهم في محلـه
لامسلم(ن)عاقل ولاعابد أصنام
ياهون حل اللغز ياصعب حله




واتمنا ان لايكون اللغز قد تكرر

وشكرا للجميع

[skyplak912]

وين ( صبايا ) !!!!!!!!!!!!!!!!!!!!!!!!!!!!!!!!!!!!!!!!!!! ؟


غريبة والله . ياخوي خلك على السليقة ( بنات ) وألا ( فتيات ) .

بس يمكن القنوات الفضائية لها تأثير .

[الملتمس]

وين ( صبايا ) !!!!!!!!!!!!!!!!!!!!!!!!!!!!!!!!!!!!!!!!!!! ؟


غريبة والله . ياخوي خلك على السليقة ( بنات ) وألا ( فتيات ) .

بس يمكن القنوات الفضائية لها تأثير .

ماتلاحظ ان اسمك skyplak912 برضه نفس الشي فيه من تاثير القنوات الفضائية

[ تم التعديل بواسطة الملتمس في 2006/7/6 14:53 ]

[أعزالنـــــــــاس]

ههههههههههههههههههههههههه


حلوة يالملتمس جبتها

[محيرقة]

صبي ؟يعني طفل بس الحل ما العرف

[السفير]

والله مالي في الشعر ؟؟؟؟؟

[أبومشعل]

إقتباس:


ياويش غايب حاكمينه بالاعدام
ذكاه حطـم دوله(ن)مستقلـه
لازال تلقاه العرب بعض الايام
مات الحكم والمتهم في محلـه
لامسلم(ن)عاقل ولاعابد أصنام
ياهون حل اللغز ياصعب حله

إذا ما خاب ضني فالحل هو:
الهــــدهد

[الملتمس]

اجابة ابو مشعل صحيحة عطنا لغزك يابو مشعل

[الملتمس]

ابقفيك يابومشعل وجيب اللغز

أنشدك عن شيء طويل ومذلوق

دُبٌ الليالي في يمينك تشدَهـ

طار الغراب وصار بالوكر غرنوق

هذا لك شيء يوصل الرجل حدَه

[رونالـــ10ـــدينو]

الهــــدهد

[سالم القحطاني]

كربون الذي يوضع بين الأوراق لطباعه

[فرزالوغى]

أنشدك عن شيء طويل ومذلوق

دُبٌ الليالي في يمينك تشدَهـ

طار الغراب وصار بالوكر غرنوق

هذا لك شيء يوصل الرجل حدَه



هذا الشعر اذا صار شيب...(ابيض) يالملتمس.



[ تم التعديل بواسطة فرزالوغى 17.04.2007 - 13:54 ]