الآن وليد باصالح وهاني مقبل وعيد في فعاليات القويعية

[شذاكم]

ياهلا والله وغلا .. شرفتوا وأنستو :BS

ههههههه لاتصدقون العنوان .. فهو للفت الأنتباه فقط

صراحه أنا سعيده << سعيده ولا ساره خخخ
وفرحانه بإفتتاح هالقسم الجديد .. وأحسه فاتحة خير ان شاء الله

وأعجني شعار القويعيه بالمرره لكني تضايقت من شيء واحد وهو انه ماعندنا فعاليات في القويعيه لييييش وش ينقصنا ..!!

أحنا مناب مطالبين بهالفعايات ومتحسرين عليها .. بس نتمنى يفتحون في القويعيه سوق زين يغنينا عن مشاوير الرياض
نبي ملاهي كهربائيه وحركات << ياويلكم لو تقوولون عني بزر .. تراي كبر جداتكم :loool
نبي يفتحون لنا منتجعات فيها بحيرات وشلالات نبي نحس بجمال ورونق القويعيه << ياعيني
مانبي منتزهات كثيره لااا بس نبي منتزه واحد ويكبرونه .. :slep يالييييت
ولويكون فيها بوفيهات مفتوحه ومقهى ..اللـــــه ياسلاااااام فلله :cr

ياليت يفتحون لنا مطاعم زينه معروفه ومشهوره مب هالمطاعم نروح لواحد يقولون شيعه والثاني وسخين والثالث مدري وش فيه بعد !

آآه صراااحه قهرر القويعيه بكبرها مافيها مطعم زي العالم يفتح النفس .. وأسواقها ما فيها ماركات عالميه .. ولا ملاهي نتسلى فيها !!
ماعندنا الا هالمزروع ( الدواير) واللهم لك الحمد وهي زينه ماقلنا فيها شيء بس ملييينا نبي شيء جديد ..!

وين هوامير القويعيه وشيوخها ليه مايفكرون في أزمة أهالي القويعيه ويحاولون يدخلون الفرحة والبهجة الى قلوبهم !!
نبي تعاون وطيبه وحسن تعامل ..
والمفروض تكون القويعيه محافظه سياحيه من الدرجه الأولى << أدري كعيتوها ضحك علي لكن تراها حقيقه .. فيها أماكن حلوه بس تبي شوية عنايه مثل برج الرقيبه ..

وياليت تكون حضاريه في منظرها وسلوكها وتعامل اهلها مع بعض ..

ياربِ متى تطور القويعيه .. ونشوفها بحلتها الجديده !!!!

ياليت يكون هالموضوع محل أنظاركم وأهتمامكم وتناقشونه معانا ويتناقش فيه مجلس القويعيه ..

أبنتكم الحالمه :loool

[الفيلسوف]

هههههههههههههههه

الله يهديك

صدق انك تستحقين التميز وبكل جداره

الف شكر لك

تقبلي تحياتي
الفيلسوف

[ابوالوليد]

هههههههههههههههه

الله يهديك

صدق انك تستحقين التميز وبكل جداره

الف شكر لك

[عجلان]

[Haibra]

[لوليتا]

ماعندنا فعاليات في القويعيه لييييش وش ينقصنا ..!!

هذي في الأحلام أو ربما في زمنٍ قادم ..

ولويكون فيها بوفيهات مفتوحه ومقهى ..اللـــــه ياسلاااااام فلله

ياليت يفتحون لنا مطاعم زينه معروفه ومشهوره مب هالمطاعم نروح لواحد يقولون شيعه والثاني وسخين والثالث مدري وش فيه بعد !

يُقال أنه بيفتح تشكن بلاس ..بس ماأتوقع يكون فيه عواايل <<<وش الفايده ..!!..

واحسن حل واسرع واقرب جواب لكل اسئلتك وطلباتك ان الرياض ماهنا من بعد يعني كلها ساعه وانتي في كل ها الكلام اللى قلتيه ولا وش رايكم في كلامي

هذا لو فيه أحد يسمع لك ويعطيك وجه ..ومستعد يدور بك فيها ..الرياض منطقه كبيره وليس من السهل الدوران في شوارعها المزدحمه ..

يعطيك العافيه أختي شذاااكم على الموضوع الأكثر من رائع ..

وياليت يكون في موضع الاهتمااام وينظر له أصحاب الرأي نظره ثاقبه ..

أختــــك لوليــــتـــا

[أبومشعل]

الآن وليد باصالح وهاني مقبل وعيد في فعاليات القويعية

واحد صفر لصلح شذاكم

الحقيقة أنا أول ما شفت العنوان وشفت اسم " هاني مقبل " صدقت لأن أبو حذيفة حبيب ويلبي أي دعوة توجه له

http://www.al-q.com/modules/img_upload/cache/files/__________2.jpg

هاني مفبل ( أبو حذيفة )

http://www.al-q.com/modules/img_upload/cache/files/_________2_1.jpg

وأخر شي طلع العنوان دعائي

بصراحة أختيار العناوين الجذابة تعتبر مهاهرة وهذا شي يعمل به أكبر الكتاب في الصحف وكثيراً ما نرى عناوين لافته للنظر وعلى طول نشتري الجريدة وإذا قرينا الخبر وجدنا أنه لا علاقة له بالعنوان.
وأعجني شعار القويعيه بالمرره لكني تضايقت من شيء واحد وهو انه ماعندنا فعاليات في القويعيه لييييش وش ينقصنا ..!!

معك حق تتضايقي وبالنسبة أش اللي ينقصنا أقول لكِ ما نا قصنا إلا حاجتين وهي:

1 - عدم وجود بحر

2 - درجة الحرارة عندنا تصك طبلونها 55 والناس يهجون عن الحر

والحمد للله أن هذه المشكلتين مقدور على حلها والحل عندي وأنا أبو هندي قصدي مشعل

1 - بالنسبة للبحر من السهولة توفيرة لكن أنتظروا حتى يخلص سد الخنقة وإذا خلص بنعمل له شوي تطويرات حتى نحولة إلى نهر وبعد ذلك نطورة ونحولة إلى بحر.

2 - أما بالنسبة لدرجة الحرارة الي غاثتنا في الديرة ودايم صاكة طبلونها 55 حلها سهل جداً,

ما بدها شي مكيف صحراواي أرتفاعة 500 متر وعرضه 500 متر نفصلة عند السكيني وإلا واحد من الجماعة كفيل بإنها مشكلة الحر

كيف ؟؟

أنا أقول لكم كيف

إذا فصلنا المكيف الصحراوي وخلصناه نركبة في رأس شمالات ونوجهه على الديرة ونشغلة,

لكن من هو اللي بيطلع لرأس شمالات حتى يشغل المكيف ؟؟

مشكلة ما فيه أحد يعرف رأس شمالات إلا دهران ودهران في القصيم, لكن فيه حل نمد سلك لمفتاح المكيف من رأس شمالات حتى نوصلة للنسق أقرب منطقة ونحط عليه شبك ونقفلة حتى ما يلعب فيه أحد مرة يطفي ومرة يشغل.

طبعاً المكيف يحتاج إلى ماء والماء في الديرة مهوب واجد لذلك بنحط مجمع وكل واحد يمد من مزرعة ماصورة للمجمع ويتبرع بما يستطيع وبعدين بنمد ماصورة بوصتين من المجمع للمكيف وبكذا وفرنا البحر والبراد

وصدقيني بدال دعاية جدة غير بتشوفي القويعية غير والله يعينا على استقبال السياح وتوفير الشقق المفروشة

نبي ملاهي كهربائيه وحركات

حركات بركات والله ما أنتي سهلة يا شذاكم

عادي والحركات هذي أنا مستعد أوفرها لكم لكن كل شي بحقه وما يخدم بخيل بس أسمعي كلامي

أبيك طال عمرك تمرين على أهل الديرة كلهم وكل واحد تأخذين منه 1000 ريال وبعدين تدخلين المبالغ في حسابي,

وصدقيني وقتها ملاهي الحكير ما راح تأكل مع ملاهينا عيش

يا أنا بحط لكم ملاهي وحركات وأسماء رهيبة طول عمركم ما شفتوها

هابي لاند وبيركيز لاند وفن تايم بيتزا هذي كلها أسماء قديمة ومغبرة ولا نبيها

وزيادة على ذلك بصلح لكم تلفريك من رأس شمالات مروراً بشميل إلى أن ينتهي في الديرة

يعني اللي وده يزرق بالتلفريك لرأس شمالات ويرجع بـ 50 ريال فقط

وألف شكر لكِ على الموضوع وأنا بانتظار تحويل المبالغ حتى نبدأ بالمشروع

[ابوشوق]

http://galbk.jeeran.com/2004-07-13-124432.gif

والله كلام حلو ومتعوب عليه بس من جد صعب تنفيذه وحلول ابو مشعل معقوله والله ينفع كاتب قصص مسلسلات مكسيكيه عنده خيال واااااااسع وافكار روعه مثل فرة الصحراوي اللي فوق شمالات والله قاعد اتخيل .

عموما يعطيكي العافيه شذانا

[شذاكم]

الفيلسوف - أبو الوليد .. تسلمووون أخوان :takeF


أخوي عجلان ان شاء الله يكون واقع قريب ..
احسن حل واسرع واقرب جواب لكل اسئلتك وطلباتك ان الرياض ماهنا من بعد يعني كلها ساعه وانتي في كل ها الكلام اللى قلتيه ولا وش رايكم في كلامي
كلها ساعه لكن من فاضي لنا يودينا مشوار ساعه ؟!!
عساها تحصل بالكثيييير في الشهر مره نروح نقضي أشغالنا لمدة يوم سرداد مرداد .. :oops
وبعدين فيه ناس محرومين من الطلعه برا القويعيه وش ذنبهم !
احنا نبي القويعيه تطور .. العالم تطورت واحنا قاعدين نتفرج !
مشكوووور أخوي عجلان عالرد .. وننتظر أراء الأخوه :smi

Haibra أنا قاعده أحلم يعني ناااايمه خخخ :slep
نتمنى يسمعون معاناة بنت ديرتهم ويحلون أزمتها وهي أزمة الشعب القويعي كله
ياااليييت .. مو بس الشعب القويعي .. حتى المتغربين وجايين هني مثلنا يعانون :beeb
ألف شكر لك .. وان شاء الله نلقى أحد يسمع لنا !!


لي رجعه للرد على البقيه .. :loool

[أعزالنـــــــــاس]

والله انك رهيبــــــــة ياشذانـــــــا


بس من جد سويت مثل ماقلتي وكعيتها ضحــــــــك...


لكن ليش لا......كل شي معقول...


والمستحيلات ممكن تتحقق...في زمن العجايب هذا....


بس انطري كم سنة!!!!


قصدي كم قرن؛؛؛؛وابشري بأحـــــــــلامك متحققة....


أنا مو ضد كــــــلامك...


بالعكـــــــس أعجبني كثيـــــــــر

بس


الكل ينتظر وجالس يتفرج من يكون السباق لهالشــــــــــيء


فهمتـــــــــي كلامي....



تحيــــــــاتي لك.....وأشوفك في حلم ثانــــــــــي...

[الكشاف]

دائماً الأخبار الغير صحيحة تشد الانتباه وتستهوي الجميع
أماني طيبة قد تتحقق في عام 1480 هـ

[نـايـف]

شذاكم .. برافو عليك


لي رجعه .. خلينيي أصحصح بس !

[وتين]

ههههههههههههههههههههههههههههههههه


من كبر اللقمة غص

[شذاكم]

[شذاكم]

[نـايـف]

باك http://smilies.sofrayt.com/%5E/c0/biglaugh.gif

مسّهم بالخير جميع

ياليت نكون جادين شوي

فعلاً الدنيا تطورت والقويعية ماتطورت http://smilies.sofrayt.com/%5E/q/sadface.gif

يقولون بنك الراجحي فتح فرع نسائي .. طيب وينها من بدري ؟

وليش بس بنك الراجحي اللي بيفتح فرع نسائي ؟

وين البنوك الثانية ؟

شي ثاني ,

المطاعم .. ياجماعة عندنا أزمة مطاعم

من دون ذكر أسماء .. الخيارات محدودة جداً << من كثرها يعني ؟

يعني تقريباً عندنا ثلاثة مطاعم كلها نفس الشغل تقريباً .. يعني تروح لاي واحد فيهم تلقى نفس قائمة الطعام .. ولكن إسم المطعم يختلف !

عجبي !

ومطعم يقولون العماله شيعه << يقولون بس http://smilies.sofrayt.com/%5E/c0/biglaugh.gif
ياجماعة أقسم بالله شوف عيني , كنت جاي ابتعشى عندهم واول مادخلت طبعاً ماكينة الشاورما تكون على اليسار .. العامل يقطع شاورما وإصبعه فيه دم

يا إلهي !

وفيه مطعم والله انا احترمه على انه صغير جداً .. أكل راقي .. ديكور يفتح النفس .. نوع الأكل مو مكرر .. فيه فكرة جديدة

طيب وبعدين ؟

ياجماعة نبي مطاعم معروفة وذات علامة

مثل ...والا منيب قايل بس .. اخاف تقولون طموح مره

نبي تشكن بلس .. بس متى بيجي ؟

نبي منتزهات زي الناس .. يعني يطورون الحدائق الموجودة الآن وكثر الله الف خيرهم

نبي كوفي شوب .. الظاهر الآن القويعية بكبرها مافيه الا محل واحد يبيع كوفي .. بس عندي احساس كبير انه بيسكر قريباً http://smilies.sofrayt.com/%5E/q/sadface.gif

مع اني من اهم زباينه http://smilies.sofrayt.com/%5E/c0/biglaugh.gif

نبي مجمع اتصالات وكمبيوتر .. مهوب كم محل وبس !

صدقوني نحتاجة , عشان يكون فيه محلات أكثر وخيارات وصالة مغلقة ومكيفة وتتنقل بين المحلات بسهولة ! مهوب مثل الحين تقطع الشارع مدري كم مره .


نبي ملاعب كرة قدم للشباب .. ترى مافيه الا اللي عند شركة الكهرب واللي في حي الديرة وكلها ترابية للأسف !

ليش البلدية طول الله عمرهم مايسوون ملاعب مزروعة للشباب .. صدقوني الملاعب اطلق من ذا الحدايق اللي مايجيها احد !

يعني عجزين يجيبون قطعة أرض وثيّل ؟

القائمة تطول .. أشياء كثيرة .. شذاكم حبيت اشاركك الأمنيات .. لعل وعسى فيه احد يقرأ ويعمل عليها

وين المسؤولين ؟ وين وجهاء القويعية ؟

ان مانفعتوا ديرتكم وأهلها .. أجل من تنفعون ؟

ياجماعة ترى الرياض ساعة من بيتنا .. والقى اللي ابي كله .. لكن والله شي يقهر

يعني فيه محافظات تابعة للرياض أصغر من القويعية ولكن متطوره أكثر من القويعية !

وش تفسيرها ؟ وقفة ابناء المحافظة الصادقة ومطالبتهم

ليش مانشوف القويعية متطوره ؟ http://smilies.sofrayt.com/%5E/q/rotz.gif

[Haibra]

ألحين مازلتوا تتمنون وهذا شيء جميل .. فلربما تحقق حلم بمجرد كلام مفروغ منه كما يقول البعض ..
لكن .. ألا يوجد من بيننا من يقول أنا لها ويجلب لنا لو طرف خبر !

[نـايـف]

ألا يوجد من بيننا من يقول أنا لها ويجلب لنا لو طرف خبر !

هذا اللي نتمناه

[Haibra]

اظاهر ماتحمس وتفاعل بقوووووه إلا أنا وأنت يا نايف :oops

صدق من قال::

(( مـا يحــس بالنـــار الا دواسهــــاااااا ))

نهاية المطاف .. بروح أنا ومجموعة بنات ( المنتدى) لأبو متعب ونشكي له الحال .. نطقها لثمه ونقط وجيهنا عليه هههه

[نـايـف]

up

[شذاكم]

مشكور أخوي نايف على رجوعك .. ومشاركتك أحلامي خخخ

نبي مجمع اتصالات وكمبيوتر
قصدك محل أكترونيات ... تبي ألكترو - ولا - أكسترا هع

تضل تساؤلاتنا .. ومدري إلى متى بننتظر إجابه شافيه منكم !!

Haibra - نايف أشكركم على تواصلكم ..

ألحين اللي يقولون الرياض كلها ساعه ونحصل اللي نبي ( شباب ) .. بس أحنا يالبنات وش ذنبنا من يودينا من فاضي لنا ..!!
وإذا حصلت الروحه .. يجيك ويقول وش هالمشاوير أنا مشغول - مرتبط .. الخ
وصرااااحه الحق يقال الرياض كلهااا مشاااوير × مشاوير ..
فلااااازم ناخذ لوموزين << كذا تكتب؟؟ = > لاتضحكون علي :shy
يعني تاكسي Taxi .. وصراااحه انا ما أرتاح مع أحد مهوب من محارمي !

فنبطل روحات .. وش الفاااايده ؟؟ :oops


أنا مادري ليييش ألحين ماسوو فعاليات وأدهروا زي هالعالم .. يعني معقوله مافي اي امكانيات ..؟؟!!!
ما أتوقع
ولا إلى هالدرجة الناس مستحقرين القويعية .. مادري ايش السالفه بالضبط !
والله ان الواحد يستحي انه ما يقدم شي لأهله وديرته .. لكن ما نقول الا الشكوى لله
العين بصيرة واليد قصيرة

[نـايـف]

شذاكم .. انا ما قلت ابي الكترو .. انا قلت ابي مجمع , على سبيل المثال مجمع الحمراء للإتصالات في الدوادمي . << اللهم لاحسد

بعدين ترى امس كان فيه موضوع يجوز لك .. بس بـ قدرة قادر .. اختفى الموضوع http://smilies.sofrayt.com/%5E/a0/tongue2.gif

[شذاكم]

ياهلا ب نايف ..
شذاكم .. انا ما قلت ابي الكترو
أنا عارفه أنك ماقلته خخخ.. بس أتطنز وحطيت أكبر وأكشخ مثال هع

والموضوع قريته وجهزت رد ويوم رجعت وألاقي الموضوع محذوف وعصبت ..بس عادي الدعوه ايزي

قلت أبكتب موضوع ثاني رداً على موضوع الأخ ....
بس خفت يحذفوني انا وموضوعي هههههههههه << الله يستر

[نـايـف]

http://smilies.sofrayt.com/%5E/c0/haha.gif

[شذاكم]

:ora

[أبومشعل]

[الفارس]

شكراً لك من تفاعل واخص ابومشعل

[العندليب النجدي]

شذاكم,
ياهلا والله وغلا .. شرفتوا وأنستو

ههههههه لاتصدقون العنوان .. فهو للفت الأنتباه فقط

صراحه أنا سعيده << سعيده ولا ساره خخخ
وفرحانه بإفتتاح هالقسم الجديد .. وأحسه فاتحة خير ان شاء الله

وأعجني شعار القويعيه بالمرره لكني تضايقت من شيء واحد وهو انه ماعندنا فعاليات في القويعيه لييييش وش ينقصنا ..!!

أحنا مناب مطالبين بهالفعايات ومتحسرين عليها .. بس نتمنى يفتحون في القويعيه سوق زين يغنينا عن مشاوير الرياض
نبي ملاهي كهربائيه وحركات << ياويلكم لو تقوولون عني بزر .. تراي كبر جداتكم
نبي يفتحون لنا منتجعات فيها بحيرات وشلالات نبي نحس بجمال ورونق القويعيه << ياعيني
مانبي منتزهات كثيره لااا بس نبي منتزه واحد ويكبرونه .. يالييييت
ولويكون فيها بوفيهات مفتوحه ومقهى ..اللـــــه ياسلاااااام فلله

ياليت يفتحون لنا مطاعم زينه معروفه ومشهوره مب هالمطاعم نروح لواحد يقولون شيعه والثاني وسخين والثالث مدري وش فيه بعد !

آآه صراااحه قهرر القويعيه بكبرها مافيها مطعم زي العالم يفتح النفس .. وأسواقها ما فيها ماركات عالميه .. ولا ملاهي نتسلى فيها !!
ماعندنا الا هالمزروع ( الدواير) واللهم لك الحمد وهي زينه ماقلنا فيها شيء بس ملييينا نبي شيء جديد ..!

وين هوامير القويعيه وشيوخها ليه مايفكرون في أزمة أهالي القويعيه ويحاولون يدخلون الفرحة والبهجة الى قلوبهم !!
نبي تعاون وطيبه وحسن تعامل ..
والمفروض تكون القويعيه محافظه سياحيه من الدرجه الأولى << أدري كعيتوها ضحك علي لكن تراها حقيقه .. فيها أماكن حلوه بس تبي شوية عنايه مثل برج الرقيبه ..

وياليت تكون حضاريه في منظرها وسلوكها وتعامل اهلها مع بعض ..

ياربِ متى تطور القويعيه .. ونشوفها بحلتها الجديده !!!!

ياليت يكون هالموضوع محل أنظاركم وأهتمامكم وتناقشونه معانا ويتناقش فيه مجلس القويعيه ..

أبنتكم الحالمه


اشو يوم قريت الحالمه ارتحت

بعدين هم اذكياء المستثمريم لعلمك
بالله عليك كيف يضخون اموالهم في مشاريع وبرج الرقيبه متعطل عن العمل ما يحميمهم
في حاله حصول هجوم جوي البرج متعطل ما يكتشف شي ولا يطلق شي وتروح استثماراتهم هباء منثورا
............................................
بيني وبينك الرياض اقرب لكم من اهل الرياض انفسهم
يعني لو تحرك من الديره ورفيقك يحرك من شرق الرياض ولا شماله ولا جنوبه تبون وسط الرياض تاصلون قبلهم
هذي المشكله وانحلت
...............
باقي الجو
الحين الله يهديك يا بو مشعل
تبي تشيل المكيف فوق شمالات !!!
انا خابر افكارك دائم رهيبه الا هالمره والدليل انك ما قدرت تشيله
انا عندي فكره
انت برح له مكان فوق شمالات والباقي علي انا لا يهمك
اما انه نطلعه قطعه قطعه
او نفصل جديد ونفصله فوق الجبل
شفت المخيخ كيف !
طبعا يحتاج مياه ضخمه مانبي ليات المزارع كلن بيقول والله الماء عندي مهوب الى هناك
نسوي فوقه محقان كبير ونعطي احدى الشركات الامتياز بتكوين المطر الاصطناعي
ودهران لا تمسكه مسؤليه الكهرب(بيني وبينك ان راح يشغله مانتب لاقيه الا في هاك الشعبان من شعيب لشعيب وراء هالضبان وان كان البراد بيخليها في جحورها طفاه)
اشغله انا من عندي عن طريق الاقمار الصناعيه
لا يهمك تشغليه علي انا .. انت بس اجمع لي الفلوس شهريا من المنتفعين ببراده
وان ما دفعوا
والله لااقلبه على الحار في عز الصيف!!

(انتم كنتم تطالعون افلام كرتون مثلي واجد.. ولا)