المساعد الشخصي الرقمي

مشاهدة النسخة كاملة : الله عليك يازماااان أول ..


لوليتا
17-10-2006, 11:27 PM
ذكرياتي الطفوليه في زمن الماضي القريب




تذكرون لما يجي لك واحد ثقيل دم من العائله اكبر منك ويقولك تبي اسويلك
ساعه ,, وانت تمدله ايدك ويقوم يعضك ذيك العضّـه اللي ترافس منها..

تذكرون لما كنا نصور فوري عند الإستوديو وتجلس على الكرسي والخلفيه زرقاء وإذا طلع نور الفلاش نطب من الكرسي وأخرتها تطلع الصوره كرسي فاضي

تذكرون اول يوم دوام بالمدرسـه كانوا يسلمونا الكتب كلهم مع بعض
وصافينهم من الكبييييير لما الصغير يعني يكون حركـه ..
وطبعا الكبير كتاب العلوم وكانوا يحطونهم بكيس السوبر ماركت( باغه زرقاء )
ونظل شاقلينهم على ظهورنا طول اليووم .. عذااب عذااب مو مدرسه

تذكرون لما كنا نشوف افتح يا سمسم كل عصريه ..

تذكرون لما كانوا بالشتاء يسبحونا بالطشت ويصبوا علينا ماء من الأبريق وانا نتنافض من البرد..

تذكرون تليفون بو قرص اللي يطفشك وانت تتصل ويااااويييلك يطلع
الرقم مشغوول
لان مافي ريدايل والله يعينك إذا بغيت تدق مكالمه لشغالتكم تلاقي
اصابعك اتعربك ..صدق معاناة ..

تذكرون لما كنا نرجع من مكان كنا نتهاوش منو اللي يجلس جنب الدريشه بالسيارة عند الباب ..

تذكرون لما كنا نربط الشرشف على رقبتنا مسوين سوبرمان
ونصعد فوق الكبت وانّط على الدواشق واخر شي طاب غلط ومنكسره ايدك ولا حاصل لك بلوى ثانيه ((تراني أعاني منها للحين (( ولا تسوي شاطر وتعلم الصغار كيف ينطون وتكسر اصابع رجولهم ..

تذكرون شريط الطرطعان الاحمر اللي اذا خرب المسدس
مايبيلها كلام حوّل على كعب الوالده وكمّل عليه على
عتبة الباب...

تذكرون لما كنا نسوي نبيطه وناخذ الرقعه من زبيريات العيال والمطاط من لستك كفر السياره ..

تذكرون اول ايام رابع ابيتدائي نستخدم أقلام حبر(بازين) ونشتري قلم فسفوري اصفر ولا برتقالي ,, واخر شي تنعمي عيونا ولا نعرف نقرا اللي كاتبينه ..

تذكرون لما تقول الاستاذه ان هذي الصفحـه محذوفه
تعالو شوف التشخيط اللي على الصفحه من فووووق لما تحت
ولا نشقهاا خير شر من الكتااب… وش دعوى هالحقد كله ..؟؟
عاد انا لما الحين أشوف عينات تسوي هالحركه ..

تذكرون لما نتهاوش مع عيال الجيران وتقوله وخر عن بيتنا وعن رصيفنا
يقولك مو رصيفكم هذا رصيف الحكومه كلام منطقي صرااحه ..
ويقعد يمر قدام بيتكم ويلف ويدور عناد لك وردعاً لأمثالك ..

تذكرون لما تجي سيارة الفليت ونركض وراها وندخل في فليتها لما ماعاد تشوف اللي قدامك وتصاقع وانت ماتدري مع الشله المحترمين ربعك..

تذكرون لما يطيح ضرسك يقولولك أهلك خذه وادفنه في التراب ..وإذا طاح اللي قدام يقولولك ثريم عند الباب يعرش عظيم ..

تذكرون لما البنات كانوا يلبسون جلال الصلاه عشان يصلون
وشباصاتهم طامره تقول اذان فار ..

تذكرون لما كنا ناخذ شرشف النوم ونلفه مثل التنوره مسوين فيها كبار نلبس تنانير ..

تذكرون لما كنا نلعب حريم ونتزوج واحد من هالمبزره وأنواع اللكاعه ..!

تذكرون لما كنا نلبس الأبه والشريطه والشرابيب البيضاء ..

تذكرون أول مالبسنا العبايه وانواع الخفعات والســفطات ..

تذكرون لما كنا نام والعروسه بالأحضان <<ياما جاها من الدلع ..

تذكرون لما كنا نطير بوهتنا ونفك خششنا على أفلام كرتون ..

تذكرون كل خميس العصر في القناه الثانيه فلم هندي وأقطه وفص فص ..

الله يذكر هالايام بالخير ... فعلا كانت ايام حلوه

شـــــاركـــــونا بـــذكــــرياتكم الـــجميــــلـــه .. ومـــواقـــفــــكم الـــمـــضحـــكه..





أخــــــــــتكــــمـــ لــولــــيــتـــا


للأمانه الفكره منقوله.. والمحتوى من جعبتي ..
سعود
18-10-2006, 12:13 AM
نعم نذكر بس ماأذكر تليفون بوقرص

وأذكر أفتح ياسمسم كل عصر


لوليتا / أجل تتذكرين تليفون بوقرص !! قولي الصراحه كم عمركـ "هع هع هع "


شكلك طقيتي الـ 60 سنه


تبين الصراحه موضوع شيق لكن في أشياء تركناها ومرت عليها سنين إنتي ذكرتينا فيها

شي جميل أن الواحد يتذكر أيام أول .

ماقصرتي ياالغاليه وربي يعطيكـ العوافي .
18-10-2006, 02:25 AM
تذكرون شريط الطرطعان الاحمر اللي اذا خرب المسدس
مايبيلها كلام حوّل على كعب الوالده وكمّل عليه على
عتبة الباب...

كح,,كح,,كح<<<<<غبرتي علينا,,,

ذكرتينا بذكريات أول,,,

يعطيك العافية على الموضوع,,,
نقآء ~
18-10-2006, 10:39 PM
الزعيم10
19-10-2006, 12:34 AM
الشرقية
19-10-2006, 02:21 AM
الشرقية
19-10-2006, 02:21 AM
أعزالنـــــــــاس
19-10-2006, 09:10 AM
ههههههههههههههههههههههههههههه


ياحبليلي لك لوليتـــــــــــا



والله ذكريـــــــــات حلووووووووه


يازين أيام الطفوله والله....


أيام بريئه ورائعــــــــــه


تسلمين عزيزتــــــــــي
لوليتا
20-10-2006, 12:41 AM
ياهلا فيك سعود ..

نعم نذكر بس ماأذكر تليفون بوقرص

لا انت تذكره بس ماعرفت وش اقصد ..
تلفون بو قرص أنا اللي مطلقه عليه ها المصطلح بس لا تعلم أحد خله بيني وبينك هع هع ..
مشكلتي ماعرف وش تسمونه ..أحنا نقول عنه بو قرص ..
ياخي مدري كيف بشرحلك شكله..
تعرف ذاك التلفون اللي إذا جيت بتتصل لازم تاخذ دوره لما توصل الرقم.. هذا هو مغيره خخخخ ..((عليها وصف))


تبين الصراحه موضوع شيق لكن في أشياء تركناها ومرت عليها سنين إنتي ذكرتينا فيها

شي جميل أن الواحد يتذكر أيام أول .

ماقصرتي ياالغاليه وربي يعطيكـ العوافي .

الله يعافيك اخوي ..

أنا مانسيتها.. للحين موجوده بذاكرتي .. واتمنى ترجع ذيك الايام ..

بس آآآآآآآآآه يازمن :hammer:

اسعدني مرورك اخوي ,,, :-o

اخـــــــتــك لـــولــــيـــتا
لوليتا
20-10-2006, 12:48 AM
أهلاً المحترف ..

كح,,كح,,كح<<<<<غبرتي علينا,,,

ذكرتينا بذكريات أول,,,

يعطيك العافية على الموضوع,,,

ماتشوف شر أن شاء الله ..استخدم فقس تراه زين بالحيل للكحه ..هع هع هع ..
الله يعافيك اخوي ..أسعدني تواجدك .. :BS

أخــــــتـــك لـــولــــيــتا
لوليتا
20-10-2006, 12:51 AM
أهلين هايبرا ..


الله عليكـ يازماان أولـ ... << تذكرين لمـا كنـا نطافش بالبانيو .. مساكين ماعندنا مسبح هههه !
مـوضــوع رائـع سلمتي غاليتي

ذكريات عجيبه هايبرا ..

تسلمين حبوبتي على مشاركتك لنا موقفك ..

والأروع مرورك ..

اخـــــــتــك لــولـــيــتا
لوليتا
20-10-2006, 12:55 AM
الزعيم10..


مشكوووووووووورة أختي

العفو اخوي ...أسعدني مرورك وتواجدك .. :smi

أخــــــتــك لــولـــــيتـــا
لوليتا
20-10-2006, 12:58 AM
أهلاً أخي الشرقيه ..


تذكرون لما تجي سيارة الفليت ونركض وراها وندخل في فليتها لما ماعاد تشوف اللي قدامك وتصاقع وانت ماتدري مع الشله المحترمين ربعك..

كنت ايام ماتنسى

صدقت يالشرقيه .. لكن ايام راحت وولـّت .. مالها رجعه

اسعدتني اطلالتك

تحياتي لك ...لـــولـــيــتا
لوليتا
20-10-2006, 01:01 AM
أهلين عزوزه ..


ههههههههههههههههههههههههههههه
ياحبليلي لك لوليتـــــــــــا
والله ذكريـــــــــات حلووووووووه
يازين أيام الطفوله والله....
أيام بريئه ورائعــــــــــه
تسلمين عزيزتــــــــــي

صدقتي ..

يازين اول .. مافي مسؤوليات ابد..

الله يسلمك عزوزه..

والاحلى مرورك حبوبتي وتواجدك..

اخـــــتــك لـــولـــيــتا
سعود
20-10-2006, 01:01 AM
هلا و غلا بــ لوليتا


والله فاهم قصدكـ بتليفون بوقرص



بوقرص بشكل أوضح


هو اللي يجي باالمسلسلات المصريه " صح والا لا "



أحنا مانسينا ذكريات أول يالوليتا لكن عيشه الترف اللي عايشينها الان ماتخلينا نتذكر " زمان أول " على قولتكـ
sweet girl
20-10-2006, 06:54 AM
تذكرون لما كنا نرجع من مكان كنا نتهاوش منو اللي يجلس جنب الدريشه بالسيارة عند الباب ..

خخخخخخخخخخخخ
هذا ماأنساها أبد لأنها تصير إلا الآن بعض الأحيان مو دايم
يوووووووه تصدقين إن هالدريشه كان يجي عليها مشاكل كثيييييييييره




تذكرون شريط الطرطعان الاحمر اللي اذا خرب المسدس
مايبيلها كلام حوّل على كعب الوالده وكمّل عليه على
عتبة الباب
ياأاللــــــــــــه من جد هاذي رهيبه
لو تشوفيني وأنا مدنقه وطعطع منظر رهيب ولاتنسين لازم الأصبع يخبط يعني مانتوب لين يحمر الإصبع



تذكرون لما كانوا بالشتاء يسبحونا بالطشت ويصبوا علينا ماء من الأبريق وانا نتنافض من البرد..
لا والله أنا ماأذكر إنهم يسبحوني في طشت أبــــــــد



تذكرون لما كنا نسوي نبيطه وناخذ الرقعه من زبيريات العيال والمطاط من لستك كفر السياره ..

يووووه ياهنبيطات جالها موسم بس إنا خكاريا كنا نشتريها ونشتري لزق ونلزق عليها بالزق الألوان
أذكر أخوي يوم شافنا خذاهن كلهن وحطهم بالزباله >> نذل



تذكرون اول ايام رابع ابيتدائي نستخدم أقلام حبر(بازين) ونشتري قلم فسفوري اصفر ولا برتقالي ,, واخر شي تنعمي عيونا ولا نعرف نقرا اللي كاتبينه ..
لا والله ماأذكر إلا الأزق والأسود وياويلناangryfn1 إن كتبنا بلأحمر ولا الأخضر تصدقين إنهم يشوقونها ويقولون إكتبي ثانيه sillygla1
بس هالألوان الأصفر والبرتقاي توها طالعه



تذكرون لما تقول الاستاذه ان هذي الصفحـه محذوفه
تعالو شوف التشخيط اللي على الصفحه من فووووق لما تحت
ولا نشقهاا خير شر من الكتااب… وش دعوى هالحقد كله ..؟؟
عاد انا لما الحين أشوف عينات تسوي هالحركه ..

شي أكيد أصلاً ماانبسط لين أشخطها من اولها لين آخرها
بس راحت هالأيام cry2



تذكرون لما تجي سيارة الفليت ونركض وراها وندخل في فليتها لما ماعاد تشوف اللي قدامك وتصاقع وانت ماتدري مع الشله المحترمين ربعك..

إيـــــــــه هاذي ماأنساها بس كنت أسويها وأنا عجوز في سادس تقريباً بس مدري كانت زي الحلم شي رهيـــــــــــب
كذا تدخلين ماتشوفين شي ونااااااااااااااااسه نصقع في بعض ونتميلح


تذكرون لما يطيح ضرسك يقولولك أهلك خذه وادفنه في التراب ..وإذا طاح اللي قدام يقولولك ثريم عند الباب يعرش عظيم ..

أما أدفنه ذي ماأنساها أذكر حتى الأظافر كنت أحسبها حرام نحطها في الزباله مع ذلك ماعمري دفنتها
ولا اللي يقولون الضرس إذا بلعتيه ينبت في بطنك ذي سببت لي حاله نفسيه أذكر إنكسر من ضرسي كسره ولاأدري أنا بلعتها ولا وهبلوني أهلي يقولون بنبت في بطنك وعاد أنا أتخيل في بطني شجره ومطلعه ضروس بس أشوا مع مرور الأيام نسيت وراحت الحالة << إلا هو صدق ينبت ولا >> دلخه



تذكرون لما كنا نلعب حريم ونتزوج واحد من هالمبزره وأنواع اللكاعه ..!

عاد لعبة الحريم أهم شي بس حنا مؤدبين ماندخل فيها عيال بس بنات
وقهاوي وشهاوي والكعب اللي يطقطق أهم شي slid1f



تذكرون لما كنا نلبس الأبه والشريطه والشرابيب البيضاء ..


أنا ماكنت ألبس الشريطه مدري وش بيني ووبينها وأذكر أذني تمصع كل صبح في الطابور عشانها >> فيني حره عليهم angryf1ودي اروح وامصع آذانهم أجل كل ذا عشان شريطه ولا وفي الطلعه بعد كاني مازرقت قبل مايشوفوني مصعو أذني عشان العبايه شغالين على هالإذن



تذكرون أول مالبسنا العبايه وانواع الخفعات والســفطات ..

لا تعليـــــــق


تذكرون لما كنا نام والعروسه بالأحضان <<ياما جاها من الدلع ..

لا انا الحمدلله كنت انام في حضن أمي لييييييييين خلصت المتوسط >> مدلعة:lool



الله يذكر هالايام بالخير ... فعلا كانت ايام حلوه


إي والله الصراحه أيام رهيبه
المشكلهالطفوله ماحسينا فيها و بحلاوتها إلا لما فقدناها

يالله إذا ذكرت أي شي بكتبه
أبومشعل
20-10-2006, 08:00 AM
تذكرون تليفون بو قرص اللي يطفشك وانت تتصل ويااااويييلك يطلع
الرقم مشغوول
لان مافي ريدايل والله يعينك إذا بغيت تدق مكالمه لشغالتكم تلاقي

بصراحة اللي لاحق على تلفون أبو قرص وعندهم وقته شغالة بعد هذا ولد نعمة

http://www.moveed.com/data/media/31/phone.gif

إذا كان أبو قرص ذاك الأسود ترا وقتها الوالد ما فكر مجرد تفكير بالتلفون

وين ذيك الأيام ما أحد يفكر أنه بيملك تلفون

لكن الحمد لله أنا شفت تلفون أبو قرص الأسود في الجنادرية

لكن ما حصل لي الشرف أنني أتصل به ويعور أصابعي

أما الباقيات نتذكر بعضها

شكرا لك يا لوليتا
لوليتا
19-11-2006, 10:48 AM
أهلاً وسهلاً اخي سعود ..


هو اللي يجي باالمسلسلات المصريه " صح والا لا "

أيوه عليك نور ..

أشكر لك تواجدك الثاني أخي الغالي ..

أخـــــــتــك لــوليــتا
لوليتا
19-11-2006, 10:53 AM
أهلين أختي sweet girl ..


المشكله الطفوله ماحسينا فيها و بحلاوتها إلا لما فقدناها

صدقتي بكلامك ..


يالله إذا ذكرت أي شي بكتبه

أنا في الأنتظار ..

اسعدني مرورك وتعليقك حبوبتي ..

أخـــــتـــك لــولـــيــتا
لوليتا
19-11-2006, 10:58 AM
اهلين أبو مشعل ..


لكن الحمد لله أنا شفت تلفون أبو قرص الأسود في الجنادرية

تلفون ابو قرص له عدة الوان ..كان عندنا برتقالي وعند جدتي رمادي ..

العفو أخوي ..أسعدني مرورك ..

اخــــتـــك لـــولـــيــتا
الملتمس
19-11-2006, 11:05 AM
تذكرون لما تجي سيارة الفليت ونركض وراها وندخل في فليتها لما ماعاد تشوف اللي قدامك وتصاقع وانت ماتدري مع الشله المحترمين ربعك

هذي والله من مره سويتها