[align=center]url=http://www.asmilies.com][/url]
أيها الإخوة والأخوات الأعزاء .
الشاي الأخضر له نكهته الخاصة وله محبين كثير وخاصةً لمن يهتم بصحته وبالمحافظة على وزنه .... اليوم وأنا ذاهب إلى مدينة بريدة لفت إنتباهي لوحة محل كبيرة ومكتوب عليها بالخط العريض (( شواهي )) ومن باب حب الإستطلاع أولاً قلت أذهب لأرى فلما إقتربت من المحل لاحظت أن المحل مخصص للشاي الأخضر فقط وإذا بي أرى جموع من الناس داخل المحل وكلٌ في يده (( بيالة )) شاهي أخضر .... دخلت وتفرجت وأعجبني المحل كثيراً وخصوصاً أنني من محبين هذا النوع من الشاي بادرني صاحب المحل بالسلام وقال لي تفظل ياشيخ ..... وعاد (( خلاص مافيه لغة فصحى )) تعرفون ذقت الشاهي وقلت له ليش تحطون فيه سكر ....؟ قال الرجال هذا بدون سكر يا شيخ قلت والله كن فيه طعم سكر شوي ....قال هذا ياشيخ طعم (شواهي) دايم كذا ما فيه طعم مرارة الشاهي الأخضر العادي ثم إستلمني الرجال سوالف مع إنه ما كان فاضي لي من زحمة الزباين عنده ... واللي أذكر من كلامه إنه يقول عندنا سبعة أنواع من الشاهي الأخضر وكل نوع له سعر وللعلم الشاهي هذا عضوي وغير معدل وراثياً ولا فيه أسمدة كيميائية ....والله وأمد البايلة وأنا مستحي قلت صب وكانت هذيك هي البيالة الرابعة والأخيرة اللي في الأبريق.
طبعاً إستأذنت منه قلت بأصور المحل وإن كان ما عندك مانع بننزلها في النت .... قال .... النت ؟.... عطونا ياولد إبريقٍ ثاني للرجال الطيب هذا .... ( أمزح معكم عاد ) الرجال ما مانع وكان عليه أدب وخلق جم لا يوصف .... والمفيد في الموضوع هو الشاهي الصراحة لا يفوتكم ........
أترككم مع بعض الصور اللي سجلتها عدسة جوالي بعد ما إستقعد راسي من ذوليك البيالات الأربع يعني (( مخمخ وأنا أصور )) ... وللمعلومية ترى له فرع في الرياض وفرع في الغربية.
وتفضلوا الصور :
وهذا الملصق اللي خذت منهم (( البرشور )) سويت له مسح وخوذو الصور :
وهذا الموقع الإلكتروني لهم :
http://www.shawahi.com/index.htm
وفي الختام لا أحد يجيني يقول أنت تسوي دعاية للمحل ..... لأني والله العظيم لا أعرف راعي المحل ولا لي أي مصلحة في هذا الموضوع إلا أنتم ....وهو شي شفته وأعجبني وقلت اللي ما يقدر يجرب فعلى الأقل يشوف ....
وترقبو إن شاء الله التغطية الكاملة لمحل (( السنيدي للوازم الرحلات ))
ودمتم في خير ... وعن إذنكم بأروح أضبّط لي براد شاهي من اللي أنا شريت من عندهم.
[][/][/url=http://www.asmilies.com][/urlb[/align]
رد مع اقتباس
